O Instituto Galego da Vivenda e Solo, con data do 5 de setembro de 1992, asinou un convenio do Concello de Quiroga para a creación dun parque empresarial no dito concello.

A Comisión Provincial de Urbanismo de Lugo, en sesión celebrada o día 22 de decembro de 1994 (BOP nº 288, do 11 de xaneiro de 1995) aprobou definitivamente o plan parcial do parque empresarial de Quiroga. Este plan parcial establece como sistema de actuación para a súa execución o de expropiación, o que implica a declaración de utilidade pública das obras e a necesidade de ocupación dos terreos e edificios correspondentes ós fins da expropiación, segundo o artigo 132 do Real decreto lexislativo 1/1992, do 26 de xuño, polo que se aproba o texto refundido da Lei sobre réxime do solo e ordenación urbana.

Os bens e dereitos afectados pola expropiación están comprendidos, dentro do ámbito da unidade de execución delimitada no plan parcial do parque empresarial de Quiroga, e están concretados na relación de propietarios e titulares de bens e dereitos que se precisan ocupar, que se publica conxuntamente con esta resolución.

O artigo 218 do Real decreto lexislativo 1/1992, do 26 de xuño, permite á Administración actuante aplicar en tódalas expropiacións urbanísticas o procedemento de taxación conxunta regulado nos artigos 219 e seguintes do dito texto legal e nos artigos 202 e seguintes do Regulamento de xestión urbanística.

De conformidade co previsto nos artigos 219 e seguintes do Real decreto lexislativo 1/1992, do 26 de xuño, polo que se aproba o texto refundido da Ley sobre réxime do solo e ordenación urbana, sométese á información pública o expediente de expropiación dos bens e dereitos que se precisan ocupar para a execución do parque empresarial de Quiroga.

O expediente estará exposto nas oficinas da sociedade de Xestión Urbanística de Lugo, S.A. (Xestur-Lugo) sita na Praza de Santo Domingo nº 6-5º de Lugo, polo prazo dun mes a partir da publicación desta resolución no Diario Oficial de Galicia.

Durante o citado prazo todas aquelas persoas ou entidades que se consideran afectadas poderán presenta-las alegacións que consideren oportunas, por triplicado exemplar, no Rexistro da Xefatura da Área Provincial do Instituto Galego da Vivenda e Solo, sito na Avenida Ramón Ferreiro nº 28 de Lugo.

Santiago de Compostela, 5 de novembro de 1997.

José Antonio Redondo López

Director xeral do Instituto Galego

da Vivenda e Solo

8367