Visto o expediente do convenio colectivo para a empresa Industria Transformadora y Encuadernadora de Plásticos de Galicia, S.L. (Iberplás, S.L.), que tivo entrada nesta delegación provincial o día 19-12-1997, subscrito en representación da parte
económica pola representación da empresa, e da parte social, polo delegado de persoal, con data do 3-11-1997, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo desta delegación provincial e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 5 de xaneiro de 1998.
Antonio Coello Bufill
Delegado provincial de Pontevedra
Acta (convenio colectivo)
Pola empresa: Roberto García Abalde.
Polos traballadores: Montserrat Costoya Delgado.
En Vigo, ás 18 h do día 13 de novembro de 1997, reunidos nos locais da empresa Industria Transformadora y Encuadernadora de Plásticos de Galicia, S.L. (Iberplás, S.L.), sita na rúa Valencia nº 11, baixo, en Vigo, os compoñentes da comisión negociadora que á marxe se relacionan acordan e asinan o presente acordo, para a subseguinte redacción e peche do citado convenio colectivo.
Ámbalas partes acordan que o acordo acadado afecta os seguintes artigos:
TÍTULO I
Disposicións xerais
Artigo 1º.-Ámbito territorial.
O ámbito territorial do presente convenio comprende o centro de traballo da empresa Industria Transformadora y Encuadernadora de Plásticos de Galicia, S.L. (Iberplás, S.L.), situada actualmente no concello de Vigo.
Artigo 2º.-Ámbito persoal.
O presente convenio regulará as relacións laborais entre a empresa Industria Transformadora y Encuadernadora de Plásticos de Galicia, S.L. (Iberplás, S.L.) e tódolos traballadores que presten os seus servicios nela.
Artigo 3º.-Vixencia.
A vixencia do presente convenio será do 1 de xaneiro ó 31 de decembro de 1997.
Artigo 4º.-Prórroga.
Extinguido o período de vixencia, o convenio entenderase prorrogado de ano en ano, salvo que algunha das partes que o subscriben o denuncien cunha antelación mínima dun mes á extinción da súa vixencia ou algunha das súas prórrogas.
Artigo 5º.-Condicións máis beneficiosas.
A empresa respectará as condicións máis beneficiosas cás establecidas no presente convenio, que individual ou colectivamente viñese desfrutando o persoal á entrada en vigor del, agás o aumento salarial voluntario que poderá ser absorbido cando se produza un cambio de categoría ou á terminación do contrato de aprendizaxe.
Artigo 6º.-Comisión de seguimento e interpretación (paritaria).
Durante a vixencia do presente convenio actuará unha comisión de seguimento e interpretación que, sen prexuízo das atribucións que en cuestión de vixencia ten o delegado de persoal, terá por funcións:
a) Vixencia do cumprimento do pactado.
b) Actuar como órgano de interpretación, arbitraxe e conciliación, sen prexuízo da posibilidade de reclamación perante a xurisdicción administrativa e contenciosa prevista na lexislación vixente.
c) A comisión estará composta polo delegado de persoal e un representante da empresa. O representante da empresa será de libre elección desta.
Artigo 7º.-Vinculación á totalidade.
As condicións aquí acordadas forman un todo orgánico e indivisible e para efectos da súa práctica serán consideradas globalmente.
Artigo 8º.-Xornada laboral.
Do 1 de outubro ó 31 de marzo: de 9 a 13.30; de 16 a 19.30.
Do 1 de abril ó 30 de setembro: primeira quenda, de 7.30 a 14.30; segunda quenda, de 14.30 a 21.30; quenda de sábado, de 8.30 a 13.30.
Establécese dous días retribuídos pola empresa, en concepto de «pontes», só para o presente convenio do ano 1997: 2 de maio e 26 de decembro.
No horario de verán contabilizaranse 15 minutos de descanso como tempo efectivo de traballo e non recuperable, con excepción do sábado, durante a vixencia do presente convenio de 1997.
Artigo 9º.-Vacacións.
As vacacións serán desfrutadas 15 días no verán e 15 días no inverno.
Artigo 10º.-Licencias e permisos.
a) Matrimonio: 18 días.
b) Nacemento de fillo: 3 días, mínimo 2 días laborables.
c) Matrimonio de pais ou fillos: 1 día laborable.
d) Falecemento ou enfermidade do cónxuxe: 4 días, mínimo 3 días laborables.
e) Falecemento ou enfermidade grave de pais ou fillos: 3 días, mínimo 2 días laborables.
f) Falecemento ou enfermidade grave de pais políticos: 2 días, mínimo 1 día laborable.
g) Falecemento ou enfermidade grave de avós ou netos: 2 días.
h) Falecemento ou enfermidade grave de irmáns lexítimos ou políticos: 2 días naturais.
i) Falecemento ou enfermidade grave de tíos: 1 día laborable.
j) Traslado de domicilio: 1 día laborable.
Cando ocorra a máis de 150 km do domicilio ampliarase nun día, que será xustificado.
Artigo 11º.-Roupa de traballo.
Entregarase unha bata de verán do 15 ó 31 de marzo, e unha bata de inverno do 15 ó 31 de outubro cada 2 anos.
Se por calquera circunstancia as batas se deteriorasen, entregarase unha nova e deberá ser devolta a deteriorada.
Ó persoal contratado entregaránselle 2 batas ó inicio da súa relación laboral.
Artigo 12º.-Contratos eventuais de aprendizaxe e prácticas.
A) Contratos eventuais de aprendizaxe e prácticas.
A teor do disposto no artigo 15b do texto refundido do Estatuto dos traballadores e Real decreto lei 8/1997, do 16 de maio, ambos vixentes, este contrato poderá ter unha duración máxima de trece meses dentro dun período de dezaoito. No caso de que se concerte o contrato por un prazo inferior ós trece meses, poderá ser prorrogado mediante acordo das partes, sen que a duración total do contrato poida exceder do dito límite máximo.
B) Contratos de aprendizaxe e prácticas.
Poderanse elaborar contratos de aprendizaxe e en prácticas polo tempo máximo permitido pola lei (2 anos).
Á súa finalización, o traballador afectado por este tipo de contratación percibirá unha indemnización
de 12 días por ano de servicio, sempre e cando o cesamento o decidise a empresa (esta cobrarase a partir dun ano na empresa).
No caso de que o traballador cesase voluntariamente non percibirá a citada indemnización.
Artigo 13º.-Traslado.
No suposto de que a empresa pretenda trasladarse de lugar, estará obrigada a comunicárllelo ós representantes dos traballadores, como mínimo, cun mes de antelación, informando do lugar onde se proxecta traslada-la factoría.
Artigo 14º.-Seguridade e hixiene.
A empresa deberá garanti-la seguridade e a saúde dos traballadores en tódolos aspectos relacionados co traballo.
O deber de prevención establecido anteriormente ten a consideración de deber laboral e supón, segundo o establecido nos artigos 4.2º d e o 19 do Estatuto dos traballadores e neste artigo, a existencia dun correlativo dereito dos traballadores a unha eficaz protección.
Conforme o establecido anteriormente, e no marco das súas responsabilidades, o empresario adoptará as medidas necesarias para a protección da seguridade e saúde dos traballadores, incluídas as actividades de prevención de riscos laborais, de formación e de información cuns medios necesarios.
Artigo 15º.-Clasificación profesional.
Os traballadores afectados polo presente convenio serán clasificados nas seguintes categorías profesionais:
-Persoal de fábrica.
Encargado.
Responsable de zona.
Oficial de 1ª.
Oficial de 2ª.
Oficial de 3ª.
Especialista.
Peón.
Aprendiz de 16 a 17 anos.
Aprendiz de 18 a 21 anos.
-Persoal administrativo.
Oficial administrativo 1ª.
Oficial administrativo 2ª.
Oficial administrativo 3ª.
Auxiliar administrativo.
TÍTULO II
Aspectos sociais
Artigo 16º.-Quilometraxe.
Daráselles un plus de quilometraxe a razón de 40 ptas./km a aqueles traballadores da empresa cando realicen algún servicio para ela cun vehículo particular, con excepción dos vendedores.
TÍTULO III
Conceptos económicos
Artigo 17º.-Plus de puntualidade e plus de asistencia.
En caso de incapacidade laboral e sempre que esta supere os 20 días, o traballador, cando se incorpore ó seu posto de traballo, percibirá a parte proporcional do plus de puntualidade e asistencia correspondente ós días traballados.
Artigo 18º.-Aumento salarial e táboas salariais.
No ano 1997 o incremento salarial supón un 2,5%, tanto nos salarios como no plus de puntualidade e asistencia.
Se o 31-12-1997 o aumento de prezos de consumo (IPC) fose superior ás previsións do Goberno, efectuarase a revisión salarial na diferencia entre a previsión gobernamental e o IPC oficial unha vez constatado este con carácter retroactivo desde o 1-1-1997 ata o 31-12-1997.
Artigo 19º.-Plus de antigüidade.
Cobraranse trienios sucesivos do 5% cada un sobre o salario base ata o máximo permitido pola lei.
Artigo 20º.-Gratificacións extraordinarias.
Aboaránselle dúas pagas de 30 días de salario máis antigüidade e retribución voluntaria, se é o caso, a todo o persoal.
A data límite será do 15 ó 30 de xullo para a de verán e do 15 ó 22 de decembro para a de inverno.
Aboarase outra paga de beneficios de 30 días para o ano 1997; a data de pagamento será do 15 ó 20 de marzo.
Artigo 21º.-Baixas de accidente.
En caso de incapacidade laboral derivada de accidente de traballo, a empresa aboaralle ó traballador afectado a diferencia existente entre o seu salario real e as prestacións que perciba da Seguridade Social desde o mesmo día de ocorrer aquela, sempre que o accidente se produza dentro da propia empresa.
TÍTULO IV
Conceptos legais
Artigo 22º.-Lexislación aplicable.
No que non está expresamente disposto neste convenio haberá que se ater ó que determine o Estatuto dos traballadores, Lei orgánica de liberdade sindical e demais disposicións concordantes.
Artigo 23º.-Comisión negociadora.
Este convenio foi negociado entre a dirección da empresa, Roberto García Abalde e a traballadora Monserrat Costoya Delgado.
Táboa salarial para 1997
Categoría profesional Salario
base puntualidade
e asistencia Total
Retribuc.
Plus
Responsable de fábrica 112.361 4.526 116.887
Responsable de zona (percibirá o 5% máis do salario que tivera na categoría profesional)
Oficial 1ª 95.688 4.208 99.896
Oficial 2ª 89.953 4.098 94.051
Oficial 3ª 84.511 3.994 88.505
Especialista 79.661 3.900 83.561
Peón 74.494 3.808 78.302
Aprendiz 16-17 85% S.M.I. idade 3.340
Aprendiz 18-21 85% S.M.I. idade 3.340
Oficial administrativo 1ª 96.673 4.233 100.906
Oficial administrativo 2ª 92.901 4.142 97.043
Oficial administrativo 3ª 86.765 4.036 90.801
Auxiliar administrativo 82.260 3.951 86.211
518