Declarada urxente a instalación da liña eléctrica a 132 kV desde a subestación do parque eólico Bustelo á subestación do Tesouro (expediente 133/1997), para efectos de expropiación forzosa e imposición de servidumes de paso por resolución da Dirección Xeral de Industria do 28 de novembro

de 1997, a prol da entidade Made Energías Renovables, S.A., con enderezo en Madrid, Paseo da Castellana, 95-planta 29ª.

En cumprimento dos artigos 52 da Lei de expropiación forzosa, do 16 de decembro de 1954, e 56 do seu Regulamento, do 26 de abril de 1957, fáiselles saber ós interesados propostos como titulares dos predios que se conteñen na relación anexa que o representante e o perito da Administración se constituirán o día 4 de marzo de 1998 nos predios números 4, 26, 32, 36, 39, 40, 42, 44, 45, 49 e 78, a partir das 11 horas, e o día 5 de marzo nos predios números 6, 60, 89, 90, 92, 95, 102, 103, 107 e 108 a partir das 11 horas, para a toma de datos e levantar a continuación nas oficinas da Casa Consistorial do Concello das Pontes as actas previas á ocupación, nas que se describirán os bens e dereitos afectados por expropiación e servidumes.

Advírteselles ós interesados, ós que se lles practicará notificación para o efecto, que deben concorrer ó acto por si ou persoas que os representen, e se así o consideran conveniente cos seus peritos e un notario pola súa conta, podendo facer manifestacións no mesmo acto e aportar datos que sexan útiles, e formular alegacións por escrito ata o citado levantamento, unicamente para os efectos de emendar posibles erros da relación.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificacións; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 3 de febreiro de 1998.

Jesús Espada Martínez

Delegado provincial da Coruña

ANEXO DE PREDIOS