De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publica-lo acordo de iniciación do procedemento sancionador por infracción administrativa da Lei 7/1992, do 24 de xullo, de pesca fluvial (DOG nº 151, do 5-8-1992) e do Decreto 130/1997, do 14 de maio (DOG nº 106, do 4 de xuño), polo que se aproba o Regulamento de ordenanción da pesca fluvial e dos ecosistemas acuáticos continentais, por non ser posible a súa notificación.
Noméase instructora do procedemento a Ana Mª Díaz López, funcionaria desta delegación, podendo promove-la súa recusación en calquera momento da tramitación do procedemento, se concorre algunha das circunstancias previstas no artigo 28 da Lei 30/1992, do 26 de novembro, de réxime xurídico das administracións públicas e do procedemento administrativo común.
A resolución será acordada polo director xeral de Montes e MAN desta consellería, segundo o artigo 40 da Lei 7/1992 de pesca fluvial en concordancia co artigo 101 do seu regulamento.
O interesado disporá dun prazo de quince días, contados a partir do seguinte ó de publicación desta notificación, para que poida examina-lo expediente na delegación provincial desta consellería na Coruña, sita no edificio administrativo de Servicios Múltiples Monelos, e para achegar por escrito cantas alegacións, documentos, informacións ou propostas de probas considere conveniente en defensa dos seus dereitos.
Conforme o establecido no artigo 13.2º do Regulamento do procedemento para o exercicio da potestade sancionadora, do 4 de agosto de 1993, de non se efectuar alegacións no prazo anterior, este acordo de iniciación poderá ser considerado proposta de resolución determinándose, para estes efectos, o importe da sanción.
O pagamento voluntario poralle fin ó expediente. Para efectualo deberá emprega-los impresos normalizado que lle serán facilitados nesta delegación provincial, sita no edificio administrativo de Servicios Múltiples Monelos, A Coruña.
O que se lle comunica de acordo coa normativa antes citada e co establecido no Regulamento do procedemento para o exercicio da potestade san
cionadora, aprobado polo Real decreto 1398/1993, do 4 de agosto (BOE nº 189, do 9-8-1993).
A Coruña, 26 de febreiro de 1998.
Rogelio Aramburu Núñez
Delegado provincial da Coruña
ANEXO
Expediente: P-97/0203.
Denunciado, DNI, último enderezo coñecido: José Corral López. 76.516.838. Ronda Nelle, 120-3º I, A Coruña.
Feitos denunciados: pescar utilizando artefactos de uso prohibido (goxa).
Tipificación Lei de pesca, artigo: 35.5º en concordancia co 92.5º.
Tipificación Lei de pesca, cualificación: grave.
Sanción proposta: 500.0001 multa. Inhab. 1 ano e 1 día.