A) Contrato de aluguer.

Aluguer de local destinado ó establecemento dos servicios centrais do organismo autónomo Augas de Galicia.

Orzamento: dezaoito millóns de pesetas (18.000.000 de ptas.).

(Declarado urxente ó abeiro do establecido no artigo 72 da Lei de contratos das administracións públicas).

B) Documentos de interese para os licitadores.

O prego de cláusulas administrativas particulares, así como o prego de prescricións técnicas, estará de manifesto e á disposición dos concursantes, para o seu exame, durante o prazo de presentación das

proposicións, os días e horas hábiles de oficina, no organismo autónomo Augas de Galicia, Consellería de Política Territorial, Obras Públicas e Vivenda, edificios administrativos de San Caetano, Santiago de Compostela.

C) Garantías que presta o organismo autónomo Augas de Galicia.

De conformidade co establecido no artigo 145 da Lei 13/1996, do 30 de decembro, de medidas fiscais, administrativas e da orde social, que engade un novo número 6 no artigo 36 da Lei 29/1994, do 24 de novembro, de arrendamentos urbanos, non será necesario prestar fianza.

D) Modelo de proposicións.

Proposición económica formulada estrictamente conforme o modelo que se achega ós pregos de cláusulas administrativas particulares.

E) Prazo e lugar para a presentación de proposicións.

As proposicións deberán de presentarse en sobre pechado no rexistro xeral da Consellería de Política Territorial, Obras Públicas e Vivenda ou mediante calquera dos procedementos establecidos no artigo 38.4º da Lei 30/1992, do 20 de novembro, e no caso de seren enviadas por correo dentro do prazo de admisión indicado, xustificarase a data de imposición do envío comunicándollo a este organismo autónomo mediante telex ou telegrama no mesmo día.

O prazo de admisión das proposicións terminará ás doce horas do décimo terceiro día natural, que non coincida en sábado, seguinte ó da publicación deste anuncio no Diario Oficial de Galicia.

F) Apertura das proposicións.

A apertura de proposicións será realizada pola mesa de contratación, na sala de xuntas da Consellería de Política Territorial, Obras Públicas e Vivenda, ás dez horas do quinto día natural que non coincida en sábado, contado a partir do último día de presentación de proposicións.

G) Documentos que deben presenta-los licitadores.

Os que figuran no prego de cláusulas administrativas particulares.

O importe do presente anuncio será por conta dos adxudicatarios.

Santiago de Compostela, 17 de marzo de 1998.

Emilio García Gallego

Presidente do organismo autónomo Augas

de Galicia