Examinado o expediente incoado pola titularidade do centro privado San José de Cluny de Vigo no que solicita a ampliación dunha unidade de educación infantil.
Resultando que o expediente foi tramitado pola Delegación Provincial de Educación e Ordenación Universitaria de Pontevedra que o envía cos informes emitidos pola Inspección de Educación e pola unidade técnica.
Vistos a Lei orgánica 1/1990, do 3 de outubro, de ordenación xeral do sistema educativo (BOE do 4), o Real decreto 1004/1991, do 14 de xuño (BOE do 26), a disposición derradeira primeira do Decreto 133/1995, do 10 de maio (Diario Oficial de Galicia do 22), a Orde do 20 de setembro de 1995 (Diario Oficial de Galicia do 15 de decembro), polo que se desenvolve o antedito decreto.
Considerando que o devandito centro privado ten autorización ou clasificación definitiva para impartir educación preescolar.
Considerando que o Real decreto 1004/1991 establece, na súa disposición transitoria terceira, que os centros privados que teñan autorización ou clasificación definitiva para imparti-la educación preescolar, na entrada en vixencia deste real decreto, enténdense autorizados para poder imparti-lo segundo ciclo de educación infantil, suposto que se dá no centro solicitante.
Esta dirección xeral, tendo en conta a disposición derradeira primeira da referida Orde do 20 de setembro de 1995,
RESOLVEU:
Autorizarlle a ampliación dunha unidade de educación infantil ó centro privado que se relaciona no anexo da presente resolución, facendo constar que, para a súa posta en funcionamento, a titulación do profesorado deberá axustarse ó establecido no Real decreto 1004/1991.
Santiago de Compostela, 2 de abril de 1998.
Severino Somoza Gómez
Director xeral de Centros e Inspección Educativa
ANEXO
Provincia de Pontevedra.
Concello: Vigo.
Localidade: Vigo.
Enderezo: Gran Vía, 12.
Denominación: San José de Cluny.
Titular: Congregación de San José de Cluny.
Nivel: educación infantil-2º ciclo.
Unidades de que constaba: 3.
Unidades novas autorizadas: 1.
Total de unidades autorizadas: 4.
3327