DOG 85 do 06/05/1998 - RESOLUCIÓN do 29 de abril de 1998, da Dirección Xeral de Comunicación Social e Audiovisual, pola que se anuncia a contratación, por concurso público con sistema aberto, da asistencia técnica para a realización de informes técnicos de inspección e control dos servicios de telecomunicaión por cabo e radiodifusión.

VI. ANUNCIOS

DA ADMINISTRACIÓN AUTONÓMICA

CONSELLERÍA DE CULTURA, COMUNICACIÓN SOCIAL E TURISMO

RESOLUCIÓN do 29 de abril de 1998, da Dirección Xeral de Comunicación Social e Audiovisual, pola que se anuncia a contratación, por concurso público con sistema aberto, da asistencia técnica para a realización de informes técnicos de inspección e control dos servicios de telecomunicaión por cabo e radiodifusión.

Orzamento da asistencia técnica: 5.850.000 pesetas, IVE incluído.

Prazo de execución: ata o 31 de decembro de 1998.

Fianza provisional: 117.000 ptas.

Forma de tramitación: urxente.

Prazo de presentación de proposicións: deberán presentarse en man no rexistro xeral da Consellería de Cultura, Comunicación Social e Turismo, ou nas direccións provinciais correspondentes, antes das 14 horas do décimo quinto día natural contado a partir do día seguinte ó da publicación do concurso no Diario Oficial de Galicia, ou por correo na forma indicada no artigo 100 do Regulamento xeral de contratos do Estado.

Documentación que deben presenta-los licitadores: no sobre da documentación persoal, a establecida na cláusula 7.1.1 do prego de cláusulas administrativas.

No sobre da documentación económica, a establecida na cláusula 7.1.2 do prego de cláusulas administrativas.

No sobre da documentación de referencias técnicas, a establecida na cláusula 7.1.3 do prego de cláusulas administrativas.

Apertura de proposicións: será realizada pola mesa de contratación na sala de xuntas da Consellería de Cultura, Comunicación Social e Turismo a partir das 12 horas do quinto día natural seguinte ó do peche do prazo de admisión de ofertas.

No caso de que o dito día coincida en sábado ou festivo, a apertura das proposicións terá lugar o día hábil seguinte.

Documentos de interese para os licitadores: o prego de cláusulas administrativas particulares e demais documentación complementaria estará a disposición dos licitadores, para o seu exame, durante o prazo de presentación de proposicións, nos días e horas hábiles de oficina, nas dependencias da Dirección Xeral de Comunicación Social e Audiovisual, sita no edificio administrativo número 3 de San Caetano, Santiago de Compostela, teléfono (981) 54 43 14.

Anuncios: os anuncios do presente concurso público serán por conta do adxudicatario do contrato.

Santiago de Compostela, 29 de abril de 1998.

P.D. (Orde 15-12-1997)

Andrés González Murga

Secretario xeral da Consellería de Cultura,

Comunicación Social e Turismo

3984