Convocadas a provisión as prazas dos corpos docentes universitarios que se relacionan no anexo, e dándolle cumprimento ó disposto no artigo 6 do Real decreto 1888/1984, do 26 de setembro (Boletín Oficial del Estado do 26 de outubro); artigo 1 do Real decreto 1427/1986, do 13 de xuño (Boletín Oficial del Estado do 11 de xullo), e artigo 17.e) do Real decreto 552/1985, do 2 de abril (Boletín Oficial del Estado do 27).
Esta secretaría xeral resoveu sinala-la celebración dos sorteos correpondentes ás prazas descritas no citado anexo, co fin de designa-los membros das comisións que serán elixidos por este procedemento para o día 27 de maio de 1998, ás dez horas; estes realizaranse polo sistema aprobado pola Comisión Académica do Consello de Universidades na súa sesión do 14 de xullo de 1995, de modo secuencial, segundo a orde na que figuran relacionados co anexo citado.
Os ditos sorteos celebraranse no Consello de Universidades (Cidade Universitaria, s/n, 28040 Madrid).
Para os efectos previstos no artigo 1 do Real decreto 1888/1984, do 26 de setembro, a partir da data da presente resolución, faranse públicas as relacións dos profesores que participarán nos sorteos no Consello de Universidades.
Das citadas relacións e no momento do sorteo, serán excluídos aqueles profesores que:
-Pertenzan á mesma universidade á que corresponda a praza.
-Fosen designados para formar parte da comisión titular pola universidade á que corresponda a praza.
-Sexan aspirantes e pertenzan á mesma área de coñecemento á que corresponda a praza.
As reclamacións contra as referidas relacións formularanse antes do día 22 de maio de 1998, dirixidas á Secretaría Xeral do Consello de Universidades (Cidade Universitaria, s/n, 28040 Madrid).
Nos concursos nos que non existan suficientes profesores do corpo e área de coñecemento a que corresponda a praza, observarase o previsto no artigo 1 do Real decreto 1427/1986, do 13 de xuño, que modifica o artigo 6.9º do Real decreto 1888/1984, do 26 de setembro.
O que lle comunico a VI para o seu coñecemento e efectos.
Madrid, 22 de abril de 1998.
Rafael Anes Álvarez
Secretario xeral do Consello de Universidades
ANEXO
UNIVERSIDADE DE VIGO.
Concursos convocados por resolución da universidade do 5-12-1997 e BOE 19-12-1997.
-Concurso nº: 104.
Nº sorteo: 35.087.
Corpo: profesores titulares de universidade.
Área de coñecemento: ecoloxía.
Presidente titular: Begoña Peco Vázquez.
Vocal secretario titular: Antonio Gallardo Correa.
-Concurso nº: 107.
Nº sorteo: 35.088.
Corpo: profesores titulares de universidade.
Área de coñecemento: física aplicada.
Presidente titular: Mariano Pérez-Martínez Pérez-Amor.
Vocal secretario titular: José Luis Fernández Fernández.
-Concurso nº: 109.
Nº sorteo: 35.089.
Corpo: profesores titulares de universidade.
Área de coñecemento: enxeñería telemática.
Presidente titular: Juan Bautista Riera y García.
Vocal secretario titular: José Manuel Santos Suárez.
-Concurso nº: 110.
Nº sorteo: 35.090.
Corpo: catedráticos de escola universitaria.
Área de coñecemento: radioloxía e medicina física.
Presidente titular: Jorge Teijeiro Vidal.
Vocal secretario titular: José Manuel Pumar Cebreiro.
-Concurso nº: 111.
Nº sorteo: 35.091.
Corpo: profesores titulares de escola universitaria.
Área de coñecemento: traducción e interpretación.
Presidente titular: Joan Fontcuberta Gel.
Vocal secretario titular: M. Presentación Padilla Benítez.
-Concurso nº: 112.
Nº sorteo: 35.092.
Corpo: profesores titulares de escola universitaria.
Área de coñecemento: traducción e interpretación.
Presidente titular: Roberto Dengler Gassin.
Vocal secretario titular: M. Presentación Padilla Benítez.
-Concurso nº: 113.
Nº sorteo: 35.093.
Corpo: profesores titulares de escola universitaria.
Área de coñecemento: expresión gráfica na enxeñería.
Presidente titular: Joel Fernández Soto.
Vocal secretario titular: Manuel Adán Gómez.
-Concurso nº: 114.
Nº sorteo: 35.094.
Corpo: profesores titulares de escola universitaria.
Área de coñecemento: psicoloxía evolutiva e da educación.
Presidente titular: Agustín Dosil Maceira.
Vocal secretario titular: Manuel Deaño Deaño.
4469