Ponse en coñecemento de tódolos interesados na concentración parcelaria da zona de Lourenzá Norte (Lourenzá-Lugo), que co obxecto de que tomen posesión deles, póñense a disposición dos respectivos propietarios os predios de substitución prorrogándose a data límite, para a dita toma de posesión, ata ó do 30 de abril de 1998, a falta de acordo do propietario deles e o novo adxudicatario do predio en que se atopen.
Segundo establece o artigo 46 da Lei de concentración parcelaria para Galicia do 14 de agosto de 1985, no prazo de trinta días hábiles, e contados
desde o 2 de maio de 1998, os interesados poderán reclamar, unindo dictame pericial de todas e cada un do predios, sobre diferencias superiores ó dous por cento, entre a cabida real dos novos predios e a que consta no expediente de concentración.
Segundo ó artigo 45 da devandita lei, o propietario que non permita a toma de posesión dos predios, será obxecto de compulsión directa, previo apercibimento ou instrucción dun expediente incoado para o efecto.
Así mesmo, ponse en coñecemento de todos, que a posesión dos predios de substitución outorga a os que no acordo de concentración figuren como adxudicatarios, os medios de defensa establecidos polas leis. Advírtese que todo aquel que non abandoe a posesión na data antes fixada, poderá verse privado das colleitas, a falta de acordo co adxudicatario.
Lugo, 15 de abril de 1998.
Fernando López Gutiérrez
Xefe do Servicio de Desenvolvemento Rural
de Lugo
4029