DOG 128 do 06/07/1998 - ORDE do 1 de xullo de 1998 pola que se modifica a do 28 de abril de 1998, que regula a concesión de axudas a Organizacións non Gobernamentais de Cooperación o Desenvolvemento (ONGD) para a execución de proxectos.

III. OUTRAS DISPOSICIÓNS

CONSELLERÍA DA PRESIDENCIA E ADMINISTRACIÓN PÚBLICA

ORDE do 1 de xullo de 1998 pola que se modifica a do 28 de abril de 1998, que regula a concesión de axudas a Organizacións non Gobernamentais de Cooperación o Desenvolvemento (ONGD) para a execución de proxectos.

Debido a que existe a vontade de establecer un convenio de colaboración entre a Unión Europea,

a Xunta de Galicia e algunhas ONGD, co fin de levar a cabo un proxecto de desenvolvemento integral nun país en vías de desenvolvemento, considérase conveniente proceder a minora-la contía global destinada a estas axudas en vinte millóns de pesetas (20.000.000 de ptas.), para facer fronte achega que a Xunta de Galicia, xunto coas outras partes implicadas, destinará a este proxecto,

DISPOÑO:

Artigo único.-Modifícase o artigo 17 da Orde do 28 de abril de 1998 pola que se regula a concesión de axudas a ONGD para a execución de proxectos, minorándose a contía global sinalada en vinte millóns de pesetas (20.000.000 de ptas.)

Santiago de Compostela, 1 de xullo de 1998.

Dositeo Rodríguez Rodríguez

Conselleiro da Presidencia e Administración

Pública

6234