Nesta delegación provincial séguese expediente sancionador número P-27/98, contra Juan Carlos Moimenta Puente e a empresa operadora Recreativos Rías Altas, S.A., por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 decembro, de réxime xurídico das administracións públicas e do procedemento administrativo común, publica-lo acordo de iniciación e máis do prego de cargos, por resultar descoñecido o domicilio da empresa operadora Recreativos Rías Altas, S.A.
Acordo apertura
O director xeral de Interior, por delegación do conselleiro de Xustiza, Interior e Relacións Laborais, con data do 3 de xullo de 1998 adoptou o seguinte acordo:
«1º Incoar expediente sancionador, de acordo co establecido na Lei 34/1987, do 26 de decembro, da potestade sancionadora da Administración pública en materia de xogos de sorte, envite ou azar:
-Á empresa operadora Recreativos Rías Altas, S.A.
-Ó titular ou responsable do establecemento Juan Carlos Moimenta Puente, DNI 52.471.235.
2º Nomear instructora e secretaria de expediente respectivamente, a:
-María Jesús Padín García e
-Lucía Rosa Clavero Paradiñeiro».
Prego de cargos
1º Te-la empresa operadora Recreativos Rías Altas, S.A. e Juan Carlos Moimenta Puente, instalada o día 31 de marzo de 1998, no establecemento denominado Taberna de Baco, sito en Avda. Santiago, número 28, do concello da Estrada, unha máquina recreativa de tipo «B», modelo B-1989, serie 96-339, guía de circulación número 1314923, e autorización de explotación GA-C-7659, sen ter na máquina o distintivo xustificante de pagamento da taxa fiscal de xogo e sen ter no local nin na máquina o boletín de instalación correspondente.
2º Tales feitos poderían constituír infracción moi grave ou grave tipificada no artigo 28 e seguintes da Lei 14/1985, do 23 de outubro (reguladora dos xogos e apostas de Galicia), modificada pola Lei 7/1991, do 19 de xuño (de tributación sobre o xogo, disposición adicional terceira).
O que se notifica de acordo co disposto no artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, dispoñendo o interesado dun prazo de oito días a partir do seguinte ó da publicación desta notificación, para que poida presentar prego de descargos, no que poderá solicita-lo recibimento a proba do expediente na forma previda no punto 2.b) do devandito precepto legal.
Pontevedra, 16 de setembro de 1998.
P.A.
María Jesús Padín García
Instructora
8777
