De conformidade co acordo plenario do 30 de outubro de 1998, anúnciase contratación mediante concurso, con procedemento aberto e tramitación urxente, para adquisición de terreo sito en Sobradelo, destinados a un centro de atención ás persoas maiores.
1. Obxecto: a adquisición de terreos sitos en Sobradelo para destinalos a un centro de atención ás persoas maiores.
O terreo ou terreos no suposto de que sexan estremeiros, han de cumpri-los seguintes requisitos:
Ter por si mesmo ou con outros que se oferten, sempre que sexan estremeiros, unha superficie estimada de cinco mil metros cadrados, 5.000 m.
Te-la consideración de solo urbano segundo as normas subsidiarias de planeamento do municipio.
Estaren situados no núcleo de Sobradelo.
2. Tipo de licitación: fíxase o tipo de licitación ou prezo de adquisición na cantidade máxima de dúas mil pesetas por metro cadrado, 2.000 ptas./m, que poderá ser mellorado á baixa polos concursantes.
3. Financiamento: o financiamento da adquisición do terreo é por conta do concello, existindo consignación suficiente nas partidas 4.68 e 4.68.009 do orzamento xeral vixente do ano 1998.
4. Garantía provisional: será do 2% do prezo de venda do terreo ofertado.
5. Exposición do prego de cláusulas administrativas: durante os catro primeiros días hábiles seguintes ó da publicación do prego e anuncio de licitación no BOP, se ben a licitación se aprazará no caso de que se formulen reclamacións contra o dito prego.
6. Obtención da documentación e información: na Secretaría do Concello, sito en Sobradelo, código postal 32330, teléfono 988 33 50 02, telefax 988 33 53 79, en horario de ofician de 9 a 14 horas,
ata o día no que remate o prazo de presentación das proposicións.
7. Presentación de proposicións e documentación: durante os 13 días naturais seguintes ó da última publicación do presente anuncio no BOP e no DOG.
Os que dexesen tomar parte no concurso presentarán a documentación que se relaciona no prego de cláusulas administrativas.
A proposición axustarase ó modelo previsto no prego de cláusulas administrativas.
8. Apertura de proposicións: terá lugar ás doce horas do día seginte hábil (agás sábados) a aquel no que finalice o prazo de presentación de proposicións.
Carballeda de Valdeorras, 4 de novembro de 1998.
Mª Carmen González Quintela
Alcaldesa
10559
