O artigo 12 da Lei 5/1987 e o artigo 4 do Decreto 240/1992, do 30 de xullo (DOG do 12 de agosto), polo que se aproba o Regulamento do Consello Universitario de Galicia regulan a composición do Consello Universitario de Galicia.
Na letra D) do artigo 4 do Decreto 240/1992, do 30 de xullo, establécese que o secretario do Consello Universitario de Galicia será un funcionario designado polo conselleiro de Educación e Ordenación Universitaria.
Pola Orde do 16 de xuño de 1998 (DOG do 6 de xullo) faise pública a composición do Consello Universitario de Galicia. No punto 4 do artigo único desta orde figura como secretario do Consello Universitario de Galicia, Eleutino Álvarez Álvarez, subdirector xeral de Universidades.
Designado Ubaldo Rivas Romero como subdirector xeral de Universidades, por proposta do conselleiro, procede face-la substitución do secretario do Consello Universitario de Galicia, en virtude do disposto no artigo 4.D) do citado Decreto 240/1992, do 30 de xullo. Por todo iso,
DISPOÑO:
Artigo único.
Nomear como secretario do Consello Universitario de Galicia a Ubaldo Rivas Romero, subdirector xeral de Universidades.
Esta persoa substitúe, a Eleutino Álvarez Álvarez que cesa como membro do Consello Universitario de Galicia, agradecéndolle os servicios prestados.
Santiago de Compostela, 9 de decembro de 1998.
Celso Currás Fernández
Conselleiro de Educación e Ordenación
Universitaria
0080