Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación de Amigos de los Caminos de Santiago de Guipúzcoa-Gipuzkoako Santiago-Bide Lagunen Elkartea, de data 5 de xaneiro de 1999.
Visto o Decreto 224/1994, do 2 de xuño, polo que se crea o referido rexistro.
Visto igualmente o informe da Xerencia de Promoción do Camiño de Santiago, emitido de acordo co artigo 3.
Considerando que a solicitude presentada cumpre as normas establecidas no decreto de referencia,
RESOLVO:
Que a Asociación de Amigos de los Caminos de Santiago de Guipúzcoa-Gipuzkoako Santiago-Bide Lagunen Elkartea quede inscrita no Rexistro de Entidades de Promoción do Camiño de Santiago co número 094.
Santiago de Compostela, 11 de xaneiro de 1999.
P.D. (Orde 15-12-1997, DOG do 17)
Andrés González Murga
Secretario xeral da Consellería de Cultura,
Comunicación Social e Turismo