Esta consellería, unha vez cumpridos os trámites administrativos correspondentes, resolveu facer público o seguinte concurso:
«Concurso, con intervención de xurado e participación limitada, de ideas no nivel de anteproxectos para as obras da Cidade da Cultura de Galicia.
1. Nome e enderezo da entidade adxudicadora: Xunta de Galicia. Consellería de Cultura, Comunicación Social e Turismo. Edificio Administrativo San Caetano. 15771 Santiago de Compostela. A Coruña.
2. Descrición do proxecto: propostas arquitectónicas no nivel de anteproxectos, para as obras da Cidade da Cultura de Galicia, que se situará en Santiago de Compostela.
3. Tipo de concurso: de ideas para o anteproxecto, con intervención de xurado e participación restrinxida, de acordo co artigo 216 da Lei de contratos das administracións públicas.
4. Profesionais destinatarios: arquitectos.
5. a) Número previsto de participantes que serán invitados a presenta-los traballos: mínimo de nove (9) e máximo de trece (13).
b) Data límite de recepción de solicitudes de participación: cinco (5) de abril de mil novecentos noventa e nove.
c) Enderezo ó que deben enviarse: Consellería de Cultura, Comunicación Social e Turismo. Secretaría Xeral. Rexistro xeral. Edificio Administrativo San Caetano. 15771 Santiago de Compostela. A Coruña.
d) Solicitude da documentación: Consellería de Cultura, Comunicación Social e Turismo. Secretaría Xeral. Edificio Administrativo San Caetano, 15771 Santiago de Compostela. A Coruña.
Teléfono: 981 54 48 71. Telefax: 981 54 48 02.
e) Lingua na que deben redactarse os documentos: galego ou castelán.
f) Criterios que se aplicarán para selecciona-los participantes: os establecidos no prego de bases.
6. Data límite de envío das invitacións ós seleccionados para presenta-las propostas: dezaseis (16) de abril de mil novecentos noventa e nove.
7. Criterios que se aplicarán para valora-los anteproxectos: os establecidos no prego de bases.
8. Premios e pagamentos ós participantes: os establecidos no prego de bases.
9. Data de envío do anuncio ó Diario Oficial de las Comunidades Europeas: doce (12) de febreiro de 1999.
10. O importe do presente anuncio será aboado polos concursantes de maneira proporcional.
Santiago de Compostela, 16 de febreiro de 1999.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo