Rematado o prazo de presentación de solicitudes para participar no concurso de méritos convocado por Resolución do 15 de xaneiro de 1999 (DOG do 5 de febreiro) para a provisión, polo sistema de libre designación, do posto de traballo de vicexerente vacante no cadro de persoal funcionario de Administración e Servicios.
Este rectorado, en uso das atribucións que lle confire o artigo 65 dos estatutos desta universidade, aprobados por Decreto 253/1992, do 10 de setembro (BOE do 29 de outubro), resolve facer pública a adxudicación do referido posto a Juan Ramón Rego Álvarez de Mon, funcionario do corpo superior da Administración da Xunta de Galicia, con número de rexistro persoal 3242895568 A 2060.
Contra esta resolución, que esgota a vía administrativa, poderá interpoñerse recurso perante a xurisdicción contencioso-administrativa no prazo de dous meses, contados a partir da publicación desta resolución, de acordo co previsto no artigo 58 da Lei reguladora da dita xurisdicción.
A Coruña, 30 de marzo de 1999.
José Luis Meilán Gil
Rector da Universidade da Coruña