Examinado o expediente incoado polo centro privado concertado San José de Lugo no que solicita a ampliación dunha unidade do segundo ciclo de educación infantil.
Resultando que o expediente foi tramitado pola Delegación Provincial de Educación e Ordenación Universitaria de Lugo, que o envía cos informes correspondentes.
Vistos a Lei orgánica 1/1990, do 3 de outubro, de ordenación xeral do sistema educativo (BOE do 4), o Real decreto 1004/1991, do 14 de xuño (BOE do 26), a disposición derradeira primeira do Decreto 133/1995, do 10 de maio (DOG do 22), a Orde do 20 de setembro de 1995 (DOG do 15 de decembro), pola que se desenvolve o antedito decreto.
Esta dirección xeral
RESOLVE:
Autorizarlle a ampliación dunha unidade do segundo ciclo de educación infantil ó centro privado que se relaciona no anexo desta resolución, facendo constar que, para a súa posta en funcionamento, a titulación do profesorado deberá axustarse ó establecido no Real decreto 1004/1991.
Santiago de Compostela, 12 de abril de 1999.
Severino Somoza Gómez
Director xeral de Centros e Inspección Educativa
ANEXO
Provincia de Lugo.
Concello: Lugo.
Localidade: Lugo.
Enderezo: r/ Santiago, 2.
Denominación: San José.
Titular: Fundación Educación Católica.
Nivel: educación infantil-2º ciclo.
Unidades de que constaba: 5.
Unidades novas autorizadas: 1.
Total de unidades autorizadas: 6.
Composición resultante:
Centro de educación infantil: 6 unidades.
Centro de educación primaria: 12 unidades.
Centro de educación secundaria: 8 unidades de educación secundaria obrigatoria.
Centro de bacharelato: 8 unidades, coas modalidades de ciencias da natureza e da saúde e humanidades e ciencias sociais.