De conformidade co disposto nas bases IV e V da convocatoria para o acceso á categoría 11 do grupo V, levada a efecto pola Orde do 2 de decembro de 1996 (DOG nº 242, do 12), e remitida polo tribunal V-1 a proposta de aspirantes que superaron o proceso selectivo, e unha vez resoltos os recursos administrativos que modifican a Orde do 8 de febreiro de 1999 (DOG nº 36, do 22), que elevou a definitiva a antedita proposta, esta consellería

DISPÓN:

Primeiro.-Publica-la relación de aspirantes que superaron o proceso selectivo da categoría 11 do grupo V, publicándose como anexo da presente orde.

Segundo.-Contra a presente resolución que esgota a vía administrativa, os interesados poderán interpoñer, con carácter potestativo recurso de reposición ante o conselleiro da Presidencia e Administración Pública no prazo dun mes contado desde o día seguinte ó da publicación da presente orde no DOG, ou, directamente, o recurso contencioso-administrativo, no prazo de dous meses contados desde o día seguinte ó da súa publicación, diante do Xulgado do Contencioso-Administrativo da Coruña, conforme o artigo 14 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 3 de xuño de 1999.

Jaime Pita Varela

Conselleiro da Presidencia e Administración Pública