Por Orde do 20 de outubro de 1995 da Consellería de Agricultura, Gandería e Montes, recoñeceuse con carácter provisional a denominación de orixe Queixo Arzúa-Ulloa para os queixos producidos dentro do ámbito xeográfico destas dúas comarcas de gran tradición queixeira en Galicia, no xeito e condicións que determine o seu regulamento particular, e nomeouse así mesmo o seu consello regulador provisional.
A competencia para efectuar nomeamentos e cesamentos dos presidentes dos consellos reguladores das denominacións de orixe e específicas corres
póndelle, de conformidade co artigo 89 e concordantes da Lei 25/1970, do 2 de decembro, ó conselleiro de Agricultura, Gandería e Política Agroalimentaria, unha vez asumidas as funcións na materia, conforme a competencia recollida no artigo 30.I.3º e 4º do Estatuto de autonomía de Galicia.
Por todo iso, de conformidade co previsto, e no uso das atribucións que me confire a Lei 1/1993, do 22 de febreiro, reguladora da Xunta e do seu presidente
DISPOÑO:
Artigo 1º
O cesamento nas súas funcións, agradecéndolle-los servicios prestados, dos membros saíntes do Consello Regulador da Denominación de Orixe Arzúa-Ulloa nomeados pola orde desta consellería citada anteriormente.
Artigo 2º
O nomeamento e constitución dun novo consello regulador provisional formado, por proposta dos sectores interesados, polos seguintes membros:
Presidente: José Luis Carrera Valín.
Vicepresidente: Antonio Ferreiro Ferreiro.
Vocais:
-Sector productor:
Titulares:
Juan Carlos Barral Camba.
José Varela Segade.
Carlos Cid González.
Francisco Gay Blanco.
Suplentes:
José Castro Tejo.
José Luis Vázquez García.
Eugenio Montero Valiño.
Ángel Rivas Lema.
-Sector elaborador:
Titulares:
Benigno Pereira Ramos.
Salvador Carreira Gómez.
Jaqueline Burnod Bermúdez.
Hilda Gómez González.
Suplentes:
Luís García Martínez.
Jesús Sánchez Millares.
Luís Lamas Costa.
Jacobo Sánchez Ares.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 28 de xuño de 1999.
Cástor Gago Álvarez
Conselleiro de Agricultura, Gandería
e Política Agroalimentaria