Visto o expediente do convenio colectivo do sector de limpeza de edificios e locais da provincia da Coruña que tivo entrada nesta delegación provincial da Consellería de Xustiza, Interior e Relacións Laborais o día 9-6-1999, suscrito en representación da parte económica pola Asociación de Empresarios de Limpeza de Edificios e Locais da Coruña, e da parte social por CIG, UGT e CC.OO o día 7-6-1999 de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 15 de xuño de 1999.
María Reyes Carabel Pedreira
Delegada provincial da Coruña
Convenio colectivo limpeza de edificios e locais da Coruña
Artigo 1º.-Ámbito funcional e territorial.
Este convenio regulará as relacións de traballo entre as empresas dedicadas á contratación da limpeza de edificios e locais da provincia da Coruña e os seus traballadores, dos que a relación laboral básica está establecida na ordenanza laboral de traballo.
Artigo 2º.-Ámbito persoal.
Afecta a tódolos traballadores/as que presten os seus servicios nas empresas descritas no ámbito funcional, ou que sexan contratados durante a súa vixencia, tanto por empresas establecidas coma polas que se establezan no futuro.
Artigo 3º.-Vixencia e duración.
Con independencia da súa publicación no BOP ou no Diario Oficial de Galicia, este convenio terá unha vixencia de catro anos desde o 1 de xaneiro de 1998 ó 31 de decembro do 2001.
Ámbalas partes someteranse á posible negociación do convenio galego do sector.
Artigo 4º.-Denuncia.
Este convenio deberá ser denunciado, por calquera das partes, antes dos tres meses últimos do 2001.
Artigo 5º.-Prórroga.
Este convenio prorrogarase tacitamente de ano en ano, se ningunha das partes o denunciase ó seu termo ou ó dalgunha das súas prórrogas.
No caso de prorrogarse por un ano, efectuarase un aumento salarial, equivalente ó incremento porcentual do IPC no seu conxunto estatal nos doce meses anteriores.
Artigo 6º.-Comisión paritaria.
A comisión paritaria constituirase no momento da sinatura deste convenio. Esta comisión paritaria, constituída por cinco represetantes da asociación de empresarios e cinco da parte social (2 de CIG, 2 de UGT e 1 de CC.OO.), será o organismo do que a función consistirá en vixiar e interpreta-lo cumprimento de cada un dos pactos que interveñen e constitúen a normativa do vixente pacto colectivo. Así mesmo, terá dentro das súas funcións todo o concernente á formación profesional.
Artigo 7º.-Condicións máis beneficiosas.
Os traballadores/as que con anterioridade á sinatura do convenio desfrutasen de mellores condicións, consideradas en conxunto e cómputo anual, que as aquí pactadas, conservarán estas coa excepción do disposto no artigo 18º.
Artigo 8º.-Xornada laboral.
A xornada máxima será de 39 horas semanais de traballo efectivo, distribuídas a elección da cada empresa, e da súa distribución terá coñecemento o persoal. Esta distribución faraa o traballador/a e a xeito de calendario, o cal deberá ser asinado polo traballador/a afectado e o seu representatne. A xornada estará dividida en quendas de mañá, tarde e noite, sen que ingún traballador/a poida realizar máis de dúas quendas.
Establécese o día de Sábado Santo como día festivo e non recuperable. A aqueles traballadores/as, que por necesidades do servicio non puidesen desfrutar este día, daráselles outro día de descanso en compensación. Este día será sinalado pola empresa dependendo das necesidades do servicio.
Considérase como un mesmo centro de trabalo as rutas e os coprendidos dentro dunha mesma zona comercial.
Cando se amplíe a xornada nun centro de traballo terán preferencia para o incremento da xornada laboral, antes de novas contratacións, os traballadores/as que presten servicios no dito centro e non teñan a xornada completa. Caberán excepcións cando existan razóns organizativas ou productivas xustificadas.
O complemento de antigüidade correspondente á xornada de aumento comezará a computarse a partir da data na que se fixo efectivo o aumento de xornada, tendo en conta o establecido no artigo 18º.
Artigo 9º.-Descansos.
Todo traballador/a de xornada continuada terá dereito a un descanso de quince minutos obrigatorios, computable para tódolos efectos como tempo de traballo efectivo.
Artigo 10º.-Período de proba.
O período de proba quedará establecido nas seguintes formas:
a) Persoal obreiro ou subalterno: 15 días.
b) Persoal técnico e administrativo: 2 meses.
c) Persoal titulado: 2 meses.
Artigo 11º.-Traballos de categoría superior.
No caso de que por necesidade da empresa se fixesen traballos de categoría superior, percibiríanse os salarios correspondentes a esta categoría.
Artigo 12º.-Vacacións.
Serán de trinta días naturais para tódolos traballadores e traballadoras afectados por este convenio, retribuídas de acordo co salario base, antigüidade, complemento de asistnecia e complemento de transporte, así como o 50% do complemento de nocturnidade que se viñera percibindo.
As vacacións non poderán ser compensadas en metálico, agás no caso de liquidación de contrato ou despedimento. As vacacións desfrutaranse por cada ano natural de servicio. No caso de que un traballador ou traballadora se empregue no transcurso do ano ou deixe a empresa no transcurso deste desfrutará do tempo de vacacións, segundo vínculo coa empresa.
O desfrute das vacacións anuais será rotatorio e ningún traballador estará obrigado a desfrutar-las vacacións no inverno durante dous anos consecutivos, entendendo como meses de inverno tódolos do ano agás os de xuño a setembro, ambos inclusive.
Aqueles traballadores/as que presten servicios para máis dunha empresa, estas deberán poñerse de acordo á hora de sinala-lo período de vacacións destes traballadores/as. No caso de falta de acordo establecerase como período vacacional aquel que se sinale na empresa para a que preste servicios con maior xornada.
Artigo 13º.-Licencias retribuídas.
As empresas daranlles obrigatoriamente licencias retribuídas, como se de traballo efectivo se tratase, a tódolos traballadores que o soliciten, polos seguintes motivos:
-Por matrimonio: vinte días.
-Por matrimonio de fillos ou irmáns: un día.
-Por enfermidade grave do cónxuxe, pais, fillos, parto do cónxuxe, morte do cónxuxe, pais, irmáns, irmáns políticos, sogros, avós, fillos e xenros/noras: tres días naturais.
Se fose fóra da localidade: catro días.
-Cumprimento dun deber público ou para asistir ó médico: o tempo necesario.
-Cambio de enderezo: 1 día natural.Se fose fóra da localidade: 2 días naturais.
-Por exames: o tempo necesario.
-Asistencia a xuízos: o tempo necesario.
-A muller traballadora ten dereito a dezaseis semanas ininterrompidas ampliables por parto múltiple ata dezaoito semanas. O período de suspensión distribuirase a opción da interesada sempre que alomenos seis semanas sexan inmediatamente posteriores ó parto, podendo facer uso destas o pai ó coidado do fillo/a.
Artigo 14º.-Licencias non retribuídas.
Durante o ano concederanse sete días de licencias non retribuídas, segundo as necesidades dos traballadores/as. Estas licencias non se poderán fraccionar en máis de dous períodos.
Artigo 15º.-Roupas de traballo.
As empresas darán desde o primeiro día de traballo as roupas de protección, hixiene e traballo que fosen necesarias segundo o que prescribe a actual normativa de prevención de riscos laborais, ademais e obrigatoriamente entregaranse, como mínimo, dúas fundas ou roupas de traballo por ano de servicio. No momento da entrega das roupas de traballo, o ó remate do contrato de traballo, o traballador/a deberá devolve-las prendas usadas, se así é requirido pola empresa.
Artigo 16º.-Vestiarios.
A empresa virá obrigada a solicitar de cada un dos seus clientes que se facilite un cuarto apropiado ás necesidades de persoal.
Artigo 17º.-Salarios.
Durante os anos 1998 e 1999 os traballadores e traballadoras afectados por este convenio percibirán os salarios estipulados no anexo II.
Para os anos 2000 e 2001 aplicarase unha subida sobre tódolos conceptos económicos do convenio do IPC previsto máis o 0,5% para cada un dos anos.
Artigo 18º.-Antigüidade.
Aboarase un complemento persoal de antigüidade fixado en trienios, segundo, contías fixadas no anexo III. A partir do 31-12-1998 non se devengarán novos trienios. A todos aqules traballadores/as que tivesen pendente de cumprir un novo trienio, coa excepción daqueles que conten cunha antigüidade posterior á 1-1-1998, aboaráselle-la parte correspondente ó tempo transcorrido desde a data do último trienio cumprido e o 31-12-1998, rateado por meses, e nas contías que se establecen no anexo III. A suma destas cantidades pasará a denominarse complemento de antigüidade consolidada.
Pola desaparición do complemento de antigüidade, a partir do 1-1-1999, tódolos traballadores e traballadoras percibirán unha compensación económica, segundo as cantidades, e polos conceptos, establecidos no anexo IV, para aboar nun período de seis anos, 1999 ó 2004, a razón de 1/6 anual.
Artigo 19º.-Complemento de asistencia.
Establécese, para 1998, un complemento de asistencia na contía de 7.233 pesetas mensuaias, para tódolos traballadores e traballadoras, calquera que sexa a súa idade ou categoría. Para 1999, este complemento será de 7.399 pesetas mensuais.
No caso de faltar ó traballo 1 día ou 2 medios, sen xustificar, descontarase a totalidade do complemento. No caso de enfermidade descontarase a parte proporcional ós días faltados, coas excepcións que quedan recollidas no artigo 37º do convenio.
Artigo 20º.-Complemento de transporte.
Establécese, para 1993, un complemento de transporte de 3.455 ptas. mensuais, para tódolos traballadores e traballadoras, calquera que sexa a súa idade ou categoría. Para 1999, a contía deste complemento será de 4.055 ptas mensuais.
No ano 2000, despois de realiza-la revisión salarial correspondente, trasladarase ó salario base a cantidade de 287 ptas. mensuais.
Este complemento percibirase nas doce mensualidades, e a rateo da xornada realizada.
Artigo 21º.-Anticipos.
Os traballadores terán dereito a percibir, sen que chegue o día sinalado para o cobramento dos salarios, anticipos a conta do traballo xa realizado, non podendo ser superior ó 90 por 100 do realmente traballado. Entenderase como salario o correspodente a unha mensualidade, máis a parte proporcional das pagas extraordinarias.
Artigo 22º.-Horas extraordinarias.
As partes asinantes deste convenio acordan a conveniencia de redicir ó mínimo indispensable a realización de horas extraordinarias, axustándose ós seguintes criterios:
a) Horas extraordinarias que veñan esixidas pola necesidade de reparar sinistros ou outros danos extraordinarios e urxentes, así como no caso de risco de perda de materias primas: si á súa realización.
b) Horas extraordinarias habituais: supresión.
c) Horas extraordinarias estructurais, que serán as necesarias por contratos ou períodos punta de producción, ausencias imprevistas, cambios de quendas e outras circunstancias de carácter estructural ou técnico da propia natureza da actividade: mantemento, sempre que non quede a utilización das distintas modalidades de contratación temporal ou parcial previstas na lei.
d) En relación co obxectivo de estimula-la creación de emprego a través da reducción de horas extraordinarias, as partes coincidiron na importancia do estricto cumprimento do artigo 35 do ET. O incumprimento deste artigo será considerado falta grave.
As horas extraordinarias serán aboadas cun 25% de recarga por riba do valor da hora ordinaria. Ó persoal que viñese cobrando as horas extras nunha contía superior á aquí establecida, respectaráselle esa contía a nivel individual.
Artigo 23º.-Pagamento de salarios.
As retribucións mensuais serán aboadas polas empresas dentro dos catro primeiros días de cada mes. A empresa concederá unha hora para o cobramento cando se faga por talón ou transferencia bancaria.
Artigo 24º.-Pagas extraordinarias.
Todo o persoal percibirá dúas pagas extraordinarias: paga extra de xullo e paga extra de Nadal. As citadas pagas aboaranse non máis tarde do 15 de xullo, a de xullo, e non máis tarde do 20 de decembro, a de Nadal.
O devengo das citadas pagas extraordinarias serán do 1 de xullo ó 30 de xuño, a de xullo, e do 1 de xaneiro ó 31 de decembro, a de Nadal.
O importe destas pagas será unha mensualidade de salario base máis o complemento de antigüidade consolidada.
As pagas extras percibiranse na súa integridade, independentemente de que o traballador, ou traballadora estivese en situación de IT por calquera causa.
Artigo 25º.-Gratificación en concepto de beneficios.
Consideraranse como tales e na contía dunha mensualidade de salario base máis o complemento de antigüidade consolidada. Esta paga deberá referirse ó ano natural anterior, aboándose o rateo do tempo de servicio. A dita paga aboarase entre os días 10 e 20 do mes de marzo.
Ó igual que nas recollidas no artigo anterior, a paga de beneficios percibirase na súa integridade independentemente de que o traballador ou traballadora estivese en situación de IT por calquera causa.
Artigo 26º.-Axudas de custo.
Establéces para 1998 un importe mínimo para as axudas de custo establecidas no artigo 24 da ordenanza laboral de 5.383, pesetas cando se teña que comer e pernoitar fóra da casa, de 3.229 pesetas cando se realicen as dúas comidas principais fóra do domicilio, e de 1.817 pesetas cando se realice unha soa comida. Para 1999 os importes serán de 5.506 ptas., 3.303 ptas. e 1.850 ptas. respectivamente.
Artigo 27º.-Nocturnidade.
Fíxase un complemento de traballo nocturno dun 30 por 100 do salario base da táboa anexa para tódolos traballadores que presten os seus servicios entre as 22 e as 6 horas.
Todo o persoal que traballe máis do 80 por 100 da súa xornada en horas nocturnas cobrará o complemento de nocturnidade sobre o 100 por 100 do salario base mensual.
Artigo 28º.-Revisión salarial.
Sempre que o IPC correspondente ó ano 1999 supere o inicialmente previsto na Lei de orzamentos do Estado, realizarase unha actualización de táboas salariais con vixencia desde o 1-1-2000. Estas táboas actualizadas servirán de base para a confección das táboas salariais para o ano 2000.
Sempre que o IPC correspodente ó ano 2000 supere o IPC inicialmente previsto, utilizado para a confección das táboas salariais a principios de ano, realizarase unha actualización de táboas salariais con vixencia desde o 1-1-2001. Estas táboas actualizadas servirán de base para a confección das táboas salariais para o ano 2001.
Sempre que o IPC correspondente ó ano 2001 supere o IPC incialmente previsto, utilizado para a confección das táboas salariais a principios de ano, realizarase unha actualización de táboas salariais con vixencia desde o 1-1-2002. Estas táboas actualizadas servirán de base para a confección das táboas salariais para o ano 2002.
Artigo 29º.-Cláusula de desenganche salarial.
Os compromisos en materia salarial contidos neste convenio serán de aplicación para tódalas empresas afectadas polo ámbito funcional.
Para as empresas que pretendan acollerse á cláusula regulada neste artigo establécense os seguintes mecanismos:
1. Comisión paritaria.
2. Representación dos traballadores.
3. AGA.
A tódolos mecanismos citados anteriormente achegaráselle-la seguinte documentación:
-Acreditación por medio da contabilidade oficial dos resultados dos dous últimos exercicios nos que se demostre que durante estes se repoduciron perdas reais.
-Plan de viabilidade para o período que se pretende a aplicación da dita cláusula de exención e a xustificación económica e a súa repercusión real no melloramento global dos resultados da empresa.
Na súa aplicación poderán pactarse reduccións sobre as porcentaxes de incrementos negociados ou a súa total inaplicación polo período que se determine;neste último caso aplicaranse os aspectos económicos nos termos que figuran no convenio anteriormente vixente.
Os representates legais dos traballadores, membros da comisión paritaria, así como os asesores, están obrigados a tratar e manter na maior reserva a información recibida e os datos a que tiveran acceso como consecuencia do establecido nos parágrafos anteriores, observando, por conseguinte, sixilo profesional.
Artigo 30º.-Seguro de vida.
As empresas afectadas por este convenio colectivo subscribirán pólizas de seguro colectivo a favor de todo o persoal por un capital de 2.000.000 de pesetas para as continxencias de morte, incapacidade permanente total, absoluta ou grade invalidez derivadas calquera delas de accidente laboral, incluído o accidente in itinere. No ano 2000 o capital será de 2.250.000 ptas., e no ano 2001 será de 2.5000.000 ptas.
Artigo 31º.-Embarazos.
Durante a época de embarazo, por prescrición médica ou indicación do facultativo, a traballadora ocupará un posto de menos esforzo.
Artigo 32º.-Servicio militar.
Durante o tempo que o traballador preste o servicio militar voluntario ou obrigatorio ou a prestación civil substitutoria terá os seguintes dereitos:
a) Reserva do posto de traballo, que se estenderá a dous meses posteriores á licencia.
b) Cómputo deste tempo para a antigüidade.
Artigo 33º.-Xustificantes médicos.
Será obriga da empresa proporcionar a cada centro de traballo os volantes de asistencia para uso dos traballadores no caso de enfermidade. O dito volante, selado e asinado polo médico e cuberto por este, deberá ser suficiente como xustificante do tempo de ausencia do traballador.
Artigo 34º.-Revisión médica.
A revisión médica anual e obrigatoria será por conta da empresa.
Artigo 35º.-Seguridade e hixiene.
Será de aplicación a vixente Lei de prevención de riscos laborais.
As empresas recoñecen o dereito dos empregados/as a traballar nun medio exento de riscos de acoso sexual e comprométense a non permitir nin tolerar ningún comportamento desa natureza.
Acoso sexual: denomínase acoso sexual aquelas conductas verbais ou físicas de natureza sexual que son consideradas ofensivas e non desexables pola persoa que as sofre.
As persoas comprométense a tratar con discreción e prontitude as reclamación que se presenten por este motivo tanto de xeito persoal ou a través dos comités de empresa ou delegados de persoal.
Tamén se comprometen a non exercer ningún tipo de represalias sobre as persoas que sufran ou denuncien actuacións deste tipo.
Artigo 36º.-Adscrición do persoal.
1. Ó termo da concesión dunha contrata de limpeza os traballadores da empresa contratista saínte pasarán a ser adscritos á nova titular da contrata quen se subrogarán en tódolos dereitos e obrigas, sempre que se dea algún dos seguintes supostos:
a) Traballadores en activo que presten servicios no dito centro cunha antigüidade mínima de seis meses, sexa cal fose a modalidade do seu contrato.
b) Traballadores que no momento do cambio de titularidade da contrata se atopen enfermos, accidentados, en excedencia, no servicio militar ou en situación análoga, sempre e cando prestasen os seus servicios no centro de traballo de subrogación con anterioridade á suspensión do contrato de traballo, e que reúnan a antigüidade mínima establecida na alínea a).
c) Traballadores que con contrato de interinidade substitúan a algúns dos traballadores citados na alínea anterior.
d) Traballadores de novo ingreso que por esixencias do cliente se incorporarán ó centro de traballo como consecuencia da ampliación da contrata, dentro dos últimos seis meses.
e) O persoal incorporado polo anterior titular a este centro de traballo dentro dos seis meses seguirá pertencendo á dita empresa e non se producirá a subrogación citada agás que se acredite a súa nova incorporación ó centro e a empresa.
2. Tódolos supostos anteriormente recollidos deberán ser acreditados fidedignamente e documentalmente pola empresa saínte no prazo de cinco días hábiles, mediante os documentos qu se detallan ó final deste artigo.
O indicado prazo contará desde o momento no que a empresa entrante lles comunique fidedignamente á saínte e á Asociación Provincial de Empresarios de Limpez da Coruña, se-la nova adxudicataria do servicio. De non cumprir este requisito a empresa entrante, automaticamente, e sen máis formalidades, subrogarase en todo o persoal que preste os seus servicios no centro de traballo.
En calquera caso, o contrato de traballo entre a empresa saínte e os traballadores só se extingue no momento que se produza a subrogación deste á nova adxudicataria.
3. Non operará a subrogación no caso dun contratista que realice a primeira limpeza e non subscribise contrato de mantemento.
4. Se a subrogación dunha nova titular da contrata implicase que un traballador realizase a súa xornada en dous centros distintos afectando a un só deles o cambio de titularidade da contrata, os titulares das mesmas xestións o pluriemprego legal do traballador, así como o desfrute conxunto de período vacacional, aboando a empresa saínte a liquidación por partes proporcionais das pagas correspondentes. Esta liquidación non implicará a liquidación, se se segue traballando para a empresa.
5. A aplicación deste artigo será de obrigado cumprimento polas partes que vincula, empresa cesante, nova adxudicataria e traballador.
Non desaparecerá o carácter vinculante deste artigo no caso de que a empresa adxudicataria do servicio suspendese este por un período inferior a dous meses; o dito persoal con tódolos seus dereitos adscribirase á nova empresa.
Documentos para facilitar pola empresa saínte á entrante:
-Documento de adscrición (anexo I).
-Certificado do organismo competente de estar ó día do pagamento da Seguridade Social.
-Fotocopias das 4 últimas nóminas do persoal afectado.
-Fotocopia dos TC1 e TC2 de cotización á Seguridade Social dos 4 últimos meses.
-Copia do último contrato de traballo e as súas prórrogas, no caso de existiren.
-Relación do persoal na que se especifique nome e apelidos, enderezo, nº de afiliación á Seguridade
Social, antigüidade, xornada, horario, modalidade da súa contratación e data de desfrute das súas vacacións.
-Igualmente, e dentro dos 16 días seguintes á subrogación, a empresa saínte estará obrigada a enviarlle á empresa entrante copia dos documentos, debidamente dilixenciados por cada traballador/a, no que se faga constar que este recibiu da empresa saínte a súa liquidación de partes proporcionais dos seus haberes ata o momento da subrogación, non quedando pendente ningunha cantidade. O incumprimento da entrega deste documento en nada afectará á subrogación dos traballadores/as.
Artigo 37º.-Contratos de aprendizaxe.
Os contratos de aprendizaxe en vigor terán a retribución correspondente para aplica-lo tanto por cento que establece a súa lei reguladora, sobre o salario establecido para cada categoría neste convenio.
Artigo 38º.-Contratos eventuais por circunstancias do mercado.
De conformidade co establecido no artigo 15.1º.b) do estatuto dos traballadores, o contrato por circunstancias do mercado a que se refire o dito artigo, poderá celebrarse por períodos que, individualmente ou en conxunto, non superen os doce meses dentro dun período de 16 meses.
No suposto de non producirse a extinción á terminación da vixencia máxima deste, se o traballador/a segue prestando servicios á empresa, o contrato transformarase en indefinido.
Este contrato só será de aplicación para o persoal que preste servicios directamente para as empresas do sector, nunca ós de empresas de traballo temporal.
Artigo 39º.-Incapacidade temporal.
Os traballadores afectados por este convenio que causen baixa por accidente laboral percibirán o 100 por 100 do salario convenio desde o primerio día de baixa.
Así mesmo, percibirán o 100 por 100 do salario convenio desde o primeiro día de baixa ata un máximo de catro meses, os traballadores que causen baixa de IT con hospitalización ou por intervención cirúrxica, independentemente de que parte do dito período estivese hospitalizado e parte de convalecencia domiciliaria.
O complemento de asistencia, as pagas extras e a paga de beneficios non se verán afectadas no seu importe habitual polas situacións de IT derivadas de accidente de traballo. Tampouco se verán afectados no seu importe polas baixas de IT recollidas no parágrafo anterior durante o período e nas condicións sinaladas nel. Con respecto á IT derivada de enfermidade común ou accidente non laboral terase en conta o disposto nos artigos 24º e 25º deste convenio, en relación co aboamento das pagas extraordinarias e gratificación de beneficios.
Artigo 40º.-Xubilación especial ós 64 anos.
No caso de que os traballadores, acolléndose ó Real decreto lei 14/1981, do 4 de agosto, opten á modalidade especial de pensión por xubilaciónós 64 anos de idade, as empresas afectadas por este
convenio obríganse a substituír simultaneamente ó traballador xubilado por outro que sexa titular do dereito a calquera das prestacións por desemprego ou xove demandante do primeiro emprego.
Artigo 41º.-Dereitos sindicais.
As empresas incluídas no ámbito funcional deste convenio descontarán na nómina mensual dos traballadores, por petición destes, o importe da cota sindical correspondente. Para o cal, os traballadores interesados remitirán á dirección da empresa un escrito no que expresarán con claridade a orde de desconto, a central ou sindicato á que pertencen, a contía da cota, así como o número da conta corrente ou libreta de aforros do banco ou caixa de aforros para poder ser transferida a citada cantidade.
Os traballadores que tendo a condición de represenantes sindicais realicen a súa xornada laboral en horas nocturnas poderán desfrutar-las horas sindicais que puideran corresponderlles na xornada laboral anterior ou posterior, de común acordo coa dirección da empresa e seguindo en todo caso criterios organizativos.
Seccións sindicais: amplíanse ás empresas de 50 ou máis traballadores tódolos dereitos sobre seccións sindicais de empresa, os estipulados na Lei orgánica 11/1985, do 2 de agosto, de liberdade sindical.
Os que obteñan cargos a nivel provincial, autonómico ou estatal nas organizacións sindicais terán dereito á excedencia forzosa, con reserva do posto de traballo e reingreso automático. Así mesmo, terán dereito á asistencia e ó acceso ós centros de traballo para participaren en actividades propias do seu sindicato ou do conxunto dos traballadores, logo de comunicación ó empresario e sen que o exercicio deste dereito poida interrompe-lo desenvolvemento normal do proceso productivo.
As empresas facilitarán na medida das súas posibilidades a realización de asembleas cando fose necesario naqueles centros que reúnan condicións para iso e nos demais centros facilitarán ós traballadores a asistencia ás ditas asembleas cando se realicen noutro lugar. O exercicio deste dereito non afectará a xornada laboral polo que será recuperable o tempo de traballo que se vexa afectado pola realización das citadas asembleas.
Polo demais, as competencias e garantías da representación dos traballadores será a establecida nos artigos 64 e 68 do ET e na Lei orgánica de liberdade sindical.
Artigo 42º.-Normas supletorias.
Mentres non sexa subscrito un convenio marco ou norma equivalente, as partes comprométense a manter vixentes os textos da ordenanza laboral.
Artigo 43º.-Salario mínimo de convenio.
Para 1998, as partes asinantes deste convenio colectivo consideran como salario mínimo de convenio para os traballadores e traballadoras de xornada completa, maiores de 18 anos e en activo, o correspondente á categoría laboral de peón, que queda establecido en 1.447.701 pesetas brutas anuais distribuídas en soldo base, complemento de asistencia, complemento de transporte e pagas extras.
Para 1999, o salario mínimo de convenio será de 1.513.323 pesetas.
Artigo 44º.-Solución de conflictos.
As partes asinantes deste convenio, durante a súa vixencia, acordan someterse ás disposicións contidas no Acordo Interprofesional Galego sobre procedementos extraxudiciais de solución de conflictos colectivos de traballo (AGA), nos propios termos en que están formuladas.
Disposicións adicionais
Primeira.-Todo o establecido neste convenio estará vixente e de plena aplicación ata que sexa substituído por outro convenio negociado polas partes. Non obstante, para favorece-lo interese negociador das partes, esta ultravixencia unicamente se producirá durante a anualidade completa seguinte á de vixencia normal do convenio.
Segunda.-As partes negociadoras deste convenio comprométense, ó remate desta negociación, a establece-los mecanismos necesarios para negociar un convenio do sector de ámbito galego.
Disposición transitoria
Os atrasos orixinados pola entrada en vigor deste convenio serán aboados polas empresas en dous prazos. O primeiro dentro do mes seguinte ó da data da súa publicación no diario oficial correspondente, e o segundo dentro dos dous meses seguintes ó anterior.
ANEXO I
DOCUMENTO DE ADSCRICIÓN
EmpresaNº Seg. Soc. .../
EnderezoCIF
Centro de traballo:
Traballador/aNº Seg. Soc. .../
EnderezoDNI
Data de antigüidadeCategoría laboral
Xornada diaria... horas... minutos. Xornada semanal... horas... minutos.
Horario de traballo: de a
de a
Observacións:
Pola empresaO traballador/a traballadora
Rubricado Rubricado
ANEXO II
Pesetas.
Salario base 1998 Salario base 1999
Mensual Anual Mensual Anual
Administrativos
Xefe/a de primeira 130.841 1.962.615 136.640 2.049.600
Xefe/a de segunda 125.952 1.889.280 131.519 1.972.785
Caixeiro 123.001 1.845.015 128.428 1.926.420
Oficial de primeira 118.572 1.778.580 123.788 1.856.820
Oficial de segunda 105.905 1.588.575 110.520 1.657.800
Auxiliar 97.048 1.455.720 101.242 1.518.630
Telefonista 94.330 1.414.950 98.395 1.475.925
Cobrador/a 94.330 1.414.950 98.395 1.475.925
Mandos intermedios
Encargado/a xeral 121.781 1.826.715 127.150 1.907.250
Encargado/a de zona 113.253 1.698.795 118.217 1.773.255
Encargado/a de sector 108.670 1.630.050 113.416 1.701.240
Subalternos/as
Ordenanza 88.197 1.322.955 91.970 1.379.550
Almaceneiro/a 86.585 1.298.775 90.282 1.354.230
Mozo/a de recados 70.056 1.050.840 72.967 1.094.505
Persoal de limpeza
Encargado/a 93.779 1.406.685 97.817 1.467.255
Responsable de equipo 89.323 1.339.845 93.150 1.397.250
Especialista 101.267 1.519.005 105.661 1.584.915
Conductor/a-limpador/a 106.000 1.590.000 110.619 1.659.285
Peón especialista 90.159 1.352.385 94.025 1.410.375
Peón 87.963 1.319.445 91.725 1.375.875
Limpador/a 87.963 1.319.445 91.725 1.375.875
Plus de asistencia 7.233 86.796 7.399 88.788
Plus de transporte 3.455 41.460 4.055 48.660
ANEXO II
Euros.
Salario base 1998 Salario base 1999
Mensual Anual Mensual Anual
Administrativos
Xefe/a de primeira 786,37 11.795,55 821,22 12.318,34
Xefe/a de segunda 756,99 11.354,80 790,45 11.856,68
Caixeiro/a 739,25 11.088,76 771,87 11.578,02
Oficial de primeira 712,63 10.689,48 743,98 11.159,71
Oficial de segunda 636,50 9.547,53 664,24 9.963,58
Auxiliar 583,27 8.749,05 608,48 9.127,15
Telefonista 566,93 8.504,02 591,37 8.870,49
Cobrador 566,93 8.504,02 591,37 8.870,49
Mandos intermedios
Encargado/a xeral 731,92 10.978,78 764,19 11.462,80
Encargado/a de zona 680,66 10.209,96 710,50 10.657,48
Encargado/a de sector 653,12 9.796,80 681,64 10.224,66
Subalternos/as
Ordenanza 530,07 7.951,12 552,75 8.291,26
Almaceneiro/a 520,39 7.805,79 542,61 8.139,09
Mozo/a de recados 421,05 6.315,68 438,54 6.578,11
Persoal de limpeza
Encargado/a 563,62 8.454,35 587,89 8.818,38
Responsable de equipo 536,84 8.052,63 559,84 8.397,64
Especialista 608,63 9.129,40 635,04 9.525,53
Conductor/a-limpador/a 637,07 9.556,09 664,83 9.972,50
Peón especialista 541,87 8.128,00 565,10 8.476,52
Peón 528,67 7.930,02 551,28 8.269,18
Salario base 1998 Salario base 1999
Mensual Anual Mensual Anual
Limpador/a 528,67 7.930,02 551,28 8.269,18
Plus de asistencia 43,47 521,65 44,47 533,63
Plus de transporte 20,76 249,18 24,37 292,45
ANEXO III
Pesetas.
Antigüidade
Trienio Valor mes
Administrativos
Xefe/a de primeira 5.234 145
Xefe/a de segunda 5.038 140
Caixeiro/a 4.920 137
Oficial de primeira 4.743 132
Oficial de segunda 4.236 118
Auxiliar 3.882 108
Telefonista 3.773 105
Cobrador 3.773 105
Mandos intermedios
Encargado/a xeral 4.871 135
Encargado/a de zona 4.530 126
Encargado/a de sector 4.347 121
Subalternos/as
Ordenanza 3.528 98
Almaceneiro/a 3.463 96
Mozo/a de recados 2.802 78
Persoal de limpeza
Encargado/a 3.751 104
Responsable de equipo 3.573 99
Especialista 4.051 113
Conductor/a-limpador/a 4.240 118
Peón especialista 3.606 100
Peón 3.519 98
Limpador/a 3.519 98
ANEXO III
Euros.
Antigüidade
Trienio Valor mes
Administrativos
Xefe/a de primeira 31,45 0,87
Xefe/a de segunda 30,28 0,84
Caixeiro/a 29,57 0,82
Oficial de primeira 28,51 0,79
Oficial de segunda 25,46 0,71
Auxiliar 23,33 0,65
Telefonista 22,68 0,63
Cobrador 22,68 0,63
Mandos intermedios
Encargado/a xeral 29,28 0,81
Encargado/a de zona 27,23 0,76
Antigüidade
Trienio Valor mes
Encargado/a de sector 26,12 0,73
Subalternos/as
Ordenanza 21,20 0,59
Almaceneiro/a 20,82 0,58
Mozo/a de recados 16,84 0,47
Persoal de limpeza
Encargado/a 22,54 0,63
Antigüidade
Trienio Valor mes
Responsable de equipo 21,47 0,60
Especialista 24,35 0,68
Conductor/a-limpador/a 25,48 0,71
Peón especialista 21,67 0,60
Peón 21,15 0,59
Limpador/a 21,15 0,59
ANEXO IV
Pesetas.
Total Anual Mensual
15 por cento Transporte Salario base Total Transporte Salario base Transporte S. base
Administrativos
Xefe/a de primeira 288.619 58.211 230.408 48.103 9.072 38.401 808 2.560
Xefe de segunda 277.835 58.211 219.624 46.306 9.072 36.604 808 2.440
Caixeiro 271.325 58.211 213.115 45.221 9.072 35.519 808 2.368
Oficial de primeira 261.556 58.211 203.345 43.593 9.072 33.891 808 2.259
Oficial de segunda 233.613 58.211 175.402 38.936 9.072 29.234 808 1.949
Auxiliar 214.076 58.211 155.866 35.679 9.072 25.978 808 1.732
Telefonista 208.080 58.211 149.869 34.680 9.072 24.978 808 1.665
Cobrador 208.080 58.211 149.869 34.680 9.072 24.978 808 1.665
Mandos intermedios
Encargado xeral 268.634 58.211 210.424 44.772 9.072 35.071 808 2.338
Encargado de zona 249.822 58.211 191.611 41.637 9.072 31.935 808 2.129
Encargado de sector 239.713 58.211 181.502 39.952 9.072 30.250 808 2.017
Subalternos/as
Ordenanza 194.553 58.211 136.342 32.426 9.072 22.724 808 1.515
Almaceneiro/a 190.996 58.211 132.785 31.833 9.072 22.131 808 1.475
Mozo/a de recados 154.535 58.211 96.324 25.756 9.072 16.054 808 1.070
Persoal de limpeza
Encargado/a 206.865 58.211 148.654 34.478 9.072 24.776 808 1.652
Responsable de equipo 197.037 58.211 138.826 32.840 9.072 23.138 808 1.543
Especialista 223.382 58.211 165.172 37.230 9.072 27.529 808 1.835
Conductor/a-limpador/a 233.825 58.211 175.614 38.971 9.072 29.269 808 1.951
Peón especialista 198.880 58.211 140.669 33.147 9.072 23.445 808 1.563
Peón 194.036 58.211 135.825 32.339 9.072 22.637 808 1.509
Limpador/a 194.036 58.211 135.825 32.339 9.072 22.637 808 1.509
ANEXO IV
Euros.
Total Anual Mensual
15 por cento Transporte Salario base Total Transporte Salario base Transporte S. base
Administrativos
Xefe/a de primeira 1.734,63 349,85 1.384,78 289,11 58,31 230,80 4,86 15,39
Xefe/a de segunda 1.669,82 349,85 1.319,97 278,30 58,31 219,99 4,86 14,67
Caixeiro 1.630,70 349,85 1.280,84 271,78 58,31 213,47 4,86 14,23
Oficial de primeira 1.571,98 349,85 1.222,13 262,00 58,31 203,69 4,86 13,58
Oficial de segunda 1.404,04 349,85 1.054,19 234,01 58,31 175,70 4,86 11,71
Auxiliar 1.286,62 349,85 936,77 214,44 58,31 156,13 4,86 10,41
Total Anual Mensual
15 por cento Transporte Salario base Total Transporte Salario base Transporte S. base
Telefonista 1.250,59 349,85 900,73 208,43 58,31 150,12 4,86 10,01
Cobrador/a 1.250,59 349,85 900,73 208,43 58,31 150,12 4,86 10,01
Mandos intermedios
Encargado/a xeral 1.614,52 349,85 1.264,67 269,09 58,31 210,78 4,86 14,05
Encargado de zona 1.501,46 349,85 1.151,61 250,24 58,31 191,93 4,86 12,80
Encargado de sector 1.440,70 349,85 1.090,85 240,12 58,31 181,81 4,86 12,12
Subalternos/as
Ordenanza 1.169,29 349,85 819,43 194,88 58,31 136,57 4,86 9,10
Almaceneiro/a 1.147,91 349,85 798,05 191,32 58,31 133,01 4,86 8,87
Mozo de recados 928,77 349,85 578,92 154,80 58,31 96,49 4,86 6,43
Persoal de limpeza
Encargado/a 1.243,28 349,85 893,43 207,21 58,31 148,91 4,86 9,93
Responsable de equipo 1.184,22 349,85 834,36 197,37 58,31 139,06 4,86 9,27
Especialista 1.342,55 349,85 992,70 223,76 58,31 165,45 4,86 11,03
Conductor/a-limpador/a 1.405,31 349,85 1.055,46 234,22 58,31 175,91 4,86 11,73
Peón especialista 1.195,29 349,85 845,44 199,22 58,31 140,91 4,86 9,39
Peón 1.166,18 349,85 816,32 194,36 58,31 136,05 4,86 9,07
Limpador/a 1.166,18 349,85 816,32 194,36 58,31 136,05 4,86 9,07