De conformidade coa base común 7, punto 1 e punto 46 das ordes do 15 de marzo de 1999 e do 12 de marzo de 1999, polas que se convocaban pro

cedementos selectivos de ingreso e acceso ós corpos de profesores de ensino secundario, profesores técnicos de formación profesional, profesores de música e artes escénicas, profesores e mestres de taller de artes plásticas e deseño e ingreso no corpo de mestres, respectivamente, establecen que a valoración dos méritos presentados polos aspirantes será efectuada, en nome dos tribunais por unha comisión integrada por funcionarios da Consellería de Educación e Ordenación Universitaria. Realizada esta baremación, procede darlle públicación.

En consecuencia, esta dirección xeral

DISPÓN:

Primeiro.-Facer pública na Consellería de Educación e Ordenación Universitaria e nas delegacións

provinciais, a partir do día 27 de xullo de 1999, as puntuacións definitivas dos baremos establecidos na Orde do 15 de marzo de 1999 e na do 12 de marzo de 1999 dos corpos e disciplinas convocadas polas citadas ordes.

Segundo.-Contra estas puntuacións poderá presentarse recurso de alzada no prazo dun mes ante o conselleiro de Educación e Ordenación Universitaria.

Santiago de Compostela, 23 de xullo de 1999.

Jaime García García

Director xeral de Persoal