O Pleno do Concello de Santiago de Compostela, na sesión ordinaria do día 4 de xuño de 1999, acordou inicia-lo expediente de expropiación, con ocupación urxente, dos bens e dereitos necesarios para a execución do proxecto técnico para conexións exteriores do SUNP-28 (A Barcia).

En cumprimento do disposto no artigo 56 do Regulamento de expropiación forzosa, o concello expón ó público o dito proxecto de expropiación, co fin de que, no prazo de quince días, contados desde o día seguinte ó da última publicación deste anuncio no BOP, no Diario Oficial de Galicia e na prensa local ou desde a notificación individual, se esta fose posterior, os interesados poidan formula-las alegacións que consideren oportunas.

Este edicto servirá de notificación nos termos do artigo 59.4º da Lei de réxime xurídico das administracións públicas e do procedemento administrativo común, para tódolos afectados que, por resul

taren descoñecidos ou por ignorarse o seu domicilio, non poidan ser citados persoalmente ó trámite de información pública.

Santiago de Compostela, 19 de xuño de 1999.

Xosé A. Sánchez Bugallo

Alcalde

Relación de bens e dereitos afectados.

Termo municipal: Santiago de Compostela.

Situación: SUNP-28 na Barcia.