Nesta delegación provincial séguese expediente sancionador número C-4/99, contra José María Maceiras Santos, titular do establecemento denominado La Ofisina e a empresa operadora Suacon, S.L. por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, publica-lo acordo de iniciación e o prego de cargos, por resultar descoñecido o domicilio particular de José María Maceiras Santos e, intentada a notificación no establecemento, non foi posible.
Acordo de apertura.
O director xeral de Interior, por delegación do conselleiro de Xustiza, Interior e Relacións Laborais con data do 9 de marzo de 1999 adoptou o seguinte acordo:
1. Incoar expediente sancionador, de acordo co establecido na Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar:
Á empresa operadora Suacon, S.L.
Ó titular do establecemento José María Maceiras Santos, DNI: 32.613.989.
2. Nomear instructora e secretario do procedemento respectivamente a: Margarita Olmo Bosco e José María Díaz Barús.
Prego de cargos.
1. Te-la empresa operadora Suacon, S.L., o día 19 de novembro de 1998, no establecemento denominado La Ofisina sito na rúa Fernando III El Santo do concello de Santiago de Compostela, do que é titular José María Maceiras Santos, unha máquina recreativa tipo «A» modelo A-2596, serie nº 98-40. No momento da inspección, a máquina carece de toda a documentación esixida legalmente.
2. Tales feitos poderían constituír unha infracción moi grave ou grave tipificada no artigo 28 e seguintes da Lei 14/1985, do 23 de outubro, reguladora dos xogos e apostas en Galicia, modificada pola Lei 7/1991, do 19 de xuño, de tributación sobre o xogo.
3. De considerarse como moi grave corresponderíalle segundo o artigo 31 da Lei 14/1985, do 23 de outubro, unha multa de 1.000.001 ata 2.000.000 de pesetas, e de considerarse grave corresponderíalle unha multa de 100.001 ata 1.000.000 de pesetas.
O que se lle notifica de acordo co disposto no artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, dispoñendo o interesado dun prazo de oito días a partir do seguinte ó da publicación desta notificación, para que alegue e presente a documentación que coide pertinente na súa defensa, así como solicita-lo recibimento a proba do expediente expresando os puntos de feito sobre os que tratará e articulando a proba de que intente valerse. E de conformidade co artigo 13.1º c) do Real decreto 1387/1993, do 4 de agosto, poderá recusa-la instructura e o secretario do procedemento segundo o recollido no artigo 29 da Lei 30/1992, do 26 de novembro.
A Coruña, 20 de xullo de 1999.
Reyes Carabel Pedreira
Delegada provincial da Coruña
