Galego | Castellano

DOG - Xunta de Galicia -

Diario Oficial de Galicia
DOG Núm. 174 Mércores, 08 de setembro de 1999 Páx. 11.052

IV. OPOSICIÓNS E CONCURSOS

UNIVERSIDADE DA CORUÑA

RESOLUCIÓN do 13 de agosto de 1999 pola que se nomea catedrático de universidade da área de coñecemento de arquitectura e tecnoloxía de computadores, do departamento de Electrónica e Sistemas, a Ramón Doallo Biempica.

Visto o acordo da Comisión de Reclamacións do Claustro Universitario desta universidade, adoptado na súa reunión do 26 de xullo de 1999, polo que se ratifica a proposta formulada pola comisión encargada de xulga-lo concurso convocado por Resolución do 5 de xuño de 1998 (BOE do 29 de xuño) para a provisión da praza número 98/042 de catedrático de universidade da área de coñecemento de arquitectura e tecnoloxía de computadores, do departamento de Electrónica e Sistemas desta universidade, a favor de Ramón Doallo Biempica, e unha vez acreditados polo interesado os requisitos a que alude o punto 2º do artigo 5º do Real decreto 1888/1984, do 26 de setembro.

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Ramón Doallo Biempica catedrático de universidade da área de coñecemento de arquitectura e tecnoloxía de computadores, do departamento de Electrónica e Sistemas, desta universidade.

A Coruña, 13 de agosto de 1999.

P.D. (Resolución do 6-8-1999)

Manuel González Sarceda

Vicerrector de Estudiantes da Universidade da

Coruña