Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Eléctrica-Fenosa, S.A.

Domicilio social: rúa García Barbón, 38, 36201 Vigo.

Denominación: L.M.T. Mollabao-R. Peña-P. Xustiza.

Situación: Pontevedra.

Características técnicas: tramo I-L.M.T., subterránea, a 20 kV, de 550 m de lonxitude, con conductor tipo R.H.V., desde o C. reflexión Mollabao ata a L.M.T. existente Xeneral Rubín-C.T. Paramios. Tramo II-L.M.T., subterránea, a 20 kV de 175 m de lonxitude, con conductor tipo R.H.V., desde a L.M.T. Xeneral Rubín-C.T. Paramios ata a L.M.T. ó C.T. Pazo de Xustiza. Concello de Pontevedra.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Pontevedra, 28 de xullo de 1999.

Carmen Bianchi Valcarce

Delegada provincial de Pontevedra