1. Advertido erro na citada convocatoria, publicada no DOG nº 234, do 3 de decembro de 1999, cómpre face-la oportuna corrección:
-Na páxina 14.330, onde di: «A Sociedade Galega de Prevención de Riscos Laborais, de acordo coas previsións legais e coa finalidade de potencia-la formación e capacidade dos profesionais sanitarios no ámbito da saúde laboral, convoca un curso de diplomado de enfermería de empresa, en colaboración co Complexo Hospitalario Xeral-Calde de Lugo.», debe dicir: «A Sociedade Galega de Prevención de Riscos Laborais, de acordo coas previsións legais e coa finalidade de potencia-la formación e capacidade dos profesionais sanitarios no ámbito da saúde laboral, fai pública a convocatoria dun curso de diplomado de enfermería de empresa, efectuada pola Consellería de Sanidade e Servicios Sociais, en execución das previsións contidas no convenio de colaboración subscrito o 26 de setembro de 1999 entre esta e a Sociedade Galega de Prevención de Riscos Laborais.».
2. Na páxina 14.330, onde di: «1. Normas Xerais 1.1 Convócase un curso de diplomados de enfermería de empresa en colaboración co Complexo Hospitalario Xeral-Calde de Lugo», debe dicir: «1.-Normas Xerais.- 1.1 Anúnciase a convocatoria pola Consellería de Sanidade e Servicios Sociais dun curso de diplomados de enfermería de empresa en colaboración entre o Complexo Hospitalario Xeral-Calde de Lugo e a Sociedade Galega de Prevención de Riscos Laborais.».
3. Esta corrección de erros non modifica o prazo de presentación das solicitudes.
Lugo, 20 de xaneiro de 2000.
Santiago Díaz de Freijo López
Presidente da Sociedade Galega de Prevención
de Riscos Laborais