En cumprimento do disposto no artigo 2, punto 4º, do Decreto 327/1991, de 4 de outubro, de avaliación dos efectos ambientais para Galicia (DOG nº 199, do 15 de outubro), e durante o prazo de vinte días, o órgano ambiental someterá o estudio de efectos ambientais ó trámite de información pública, mediante anuncio no Diario Oficial de Galicia.
Na súa virtude,
RESOLVO:
1. Someter a información pública, o estudio de efectos ambientais do proxecto de dársena náutico-deportiva en Santa Marta de Ortigueira, Ortigueira (A Coruña).
2. Para os devanditos efectos informativos poranse á disposición dos administrados, exemplares nas seguintes dependencias:
-Dirección Xeral de Calidade e Avaliación Ambiental.
- Delegación Provincial da Consellería de Medio Ambiente da provincia da Coruña.
-Concello de Ortigueira.
3. As alegacións formularanse durante o prazo de vinte días contados a partir do seguinte ó da publicación desta resolución no Diario Oficial de Galicia.
Santiago de Compostela, 10 de febreiro de 2000.
Francisco Pan-Montojo González
Director xeral de Calidade e Avaliación Ambiental