A Dirección Xeral de Programas Industriais e Infraestructuras Tecnolóxicas anuncia convocatoria pública para a selección de 12 empresas que formarán parte dunha mostra piloto integradas nun proxecto ó abeiro da convocatoria RIS, fase II, convocado pola DXXVI da Comisión Europea e que ten as seguintes características:
Obxecto:
O programa consiste no deseño dun mecanismo de apoio integral ó proceso de innovación empresarial no que as 12 empresas elixidas formarán parte dunha mostra piloto no diagnóstico das capacidades tecnolóxicas, no deseño do seu plan tecnolóxico, na identificación e definición de proxecto relacionados coa innovación, a investigación e desenvolvemento, e a presentación de proxectos por empresas a convocatorias de axudas rexionais, nacionais ou europeas, durante o ano 2000.
Estas empresas serán tuteladas por consultores designados por la Consellería de Industria e Comercio.
Beneficiarios:
El programa piloto experimentarase nun total de 12 empresas.
Presentación de candidaturas:
As empresas interesadas en concorrer á convocatoria deberán presentar instancia dirixida á Dirección Xeral de Programas Industriais e Infraestruc
turas Tecnolóxicas no rexistro xeral da Consellería de Industria e Comercio na que se fará constar que desexa participar no programa II, do RIS+ Galicia, xunto cunha breve memoria descritiva que expoña as características da empresa e o fundamento do seu interese en participar nesta convocatoria, así como, calquera documentación adicional que poida contribuír á mellor avaliación da proposta.
O prazo para súa presentación será de 15 días desde a publicación deste anuncio.
Comisión de valoración e selección:
As 12 empresas serán seleccionadas por unha comisión formada por 3 persoas presidida por un subdirector da Dirección Xeral de Programas Industriais e Infraestructuras Tecnolóxicas, cos seguintes cirterios de selección preferentes:
Representatividade do sector industrial ó que pertenza a empresa en Galicia.
Fundamentación do interese en participar na convocatoria.
Non poderán formar parte da mostra empresas que xa teñan unha ampla experiencia na xestión de proxectos de innovación e I+D subvencionados por convocatorias nacionais ou europeas.
Na mostra seleccionada deberá ter cabida o maior número posible de sectores.
A comisión de valoración elevará a súa proposta ó director xeral de Programas Industriais e Infraestructuras Tecnolóxicas para que resolva. Ás empresas participantes seralles notificada a devandita resolución.
Santiago de Compostela, 1 de marzo de 2000.
José Manuel González González
Director xeral de Programas Industriais
e Infraestructuras Tecnolóxicas
