Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Hidroeléctrica de Laracha, S.L.

Domicilio social: Tte. Xral. Gómez Zamalloa, 9-1º, 15005 A Coruña.

Denominación: L.M.T. aero-subterránea, en área de recreo Mont-Gándara Derv. a C.T. Mallo.

Situación: A Laracha.

Descricións técnicas: L.M.T. subterránea a 15/20 kV que parte do C.T. Santa Lucía e final no apoio existente a C.T. Avda. Fisterra de 460 m de lonxitude en conductor R.H.V. de 95 mm e derivada a C.T. Mallo. Concello da Laracha.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

A Coruña, 13 de marzo de 2000.

Jesús Espada Martínez

Delegado provincial da Coruña