No Xulgado do Contencioso-Administrativo nº 3 da Coruña tramítase o recurso 392/1999 (procedemento abreviado) interposto por Amparo García Mata contra a Resolución do 25 de maio de 1999 (DOG número 107, do 7 de xuño), pola que se fai pública a convocatoria do concurso de traslados para a provisión de prazas de persoal sanitario non facultativo e non sanitario das institucións sanitarias dependentes do Servicio Galego de Saúde, en concreto, contra a ausencia de oferta de prazas de técnico especialista en radiodiagnóstico dependentes da Xerencia de Atención Primaria de Ourense.

O que se notifica para xeral coñecemento de tódalas persoas interesadas no procedemento e emprázanse para que poidan comparecer na sala como demandados no prazo de nove días, de conformidade

co previsto no artigo 49 da Lei 29/1998, do 13 de xullo, reguladora da xurisdicción contencioso-administrativa.

Santiago de compostela, 29 de maio de 2000.

Valeriano Martínez García

Director xeral da División de Recursos Humanos