Para lle dar cumprimento ó disposto nas sentencias 94/1997, 166/1997, 241/1997, 245/1997, 246/1997, 265/1997, 287/1997 e 290/1997 da Sala do Contencioso-Administrativo do Tribunal Superior de Xustiza de Galicia, suprímese o requisito de titulación dun posto de traballo do Centro Residencial Docente de Ourense.
En consecuencia, por proposta da Consellería de Educación e Ordenación Universitaria, consultadas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia, na súa reunión do sete de xuño de dous mil, adoptou o seguinte,
ACORDO:
1. Modifica-lo vixente relación de postos de traballo da Consellería de Educación e Ordenación Universitaria nos termos que se sinalan no anexo a este acordo.
2. Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Visto o acordo adoptado polo Consello da Xunta de Galicia na súa reunión do sete de xuño de dous mil, relativo á modificación da relación de postos de traballo da Consellería de Educación e Ordenación Universitaria, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 8 de xuño de 2000.
Jaime Pita Varela
Conselleiro da Presidencia e
Administración Pública
ANEXO
Consellería de Educación e Ordenación
Universitaria
Na vixente relación de postos de traballo da Consellería de Educación e Ordenación Universitaria, publicada no DOG nº 227, do 27-11-1995, prodúcese a seguinte modificación:
Persoal funcionario
-Na páxina 8.752, no centro de destino «CENTRO RESIDENCIAL DOCENTE (OURENSE)», no posto co código «ED.C99.40.801.32001.003. XEFE SECCIÓN», na columna: Titulación académica suprímese «2998».