1. O presente expediente de expropiación forzosa seguido polo procedemento de taxación conxunta aprobouse por resolución do director xeral de Urbanismo da Consellería de Política Territorial, Obras Públicas e Vivenda con data do 31 de maio de 2000.

2. De conformidade co artigo 146 da Lei 1/1997 do solo de Galicia, o acordo de aprobación definitiva do expediente de taxación conxunta implicará a declaración de urxencia da ocupación dos bens e dereitos afectados, e o pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación do prezo xusto.

3. De conformidade co artigo 205 do Regulamento de xestión urbanística aprobado polo Real decreto 3288/1978, do 25 de agosto, o pagamento do prezo

xusto soamente se lles fará efectivo, consignándose no caso contrario, a aqueles interesados que acheguen certificación rexistral ó seu favor, na que conste que se extendeu a nota do artigo 32 do Regulamento hipotecario, ou no seu defecto, os títulos xustificativos do seu dereito, completados con certificacións negativas do Rexistro da Propiedade referida ó mesmo predio descrito nos títulos; e, conforme o artigo 206 do mentado Regulamento de xestión urbanística, se o expropiado non quixera acepta-lo prezo xusto ou non achegase títulos suficientes xustificativos do dominio ou existise contenda respecto á titularidade do ben ou dereito expropiado ou, en xeral, se concorrese algún dos supostos do artigo 51 do Regulamento de expropiación forzosa, a Administración consignará o importe del na Caixa Xeral de Depósitos. Non se admitirá representación senón por medio de poder debidamente autorizado, xa sexa xeral, xa sexa particular para este caso; e deberán identificarse co documento

nacional de identidade ou, no seu defecto, polo coñecemento directo que testifiquen o alcalde ou o secretario do concello.

4. De conformidade co artigo 55.1º do Regulamento da Lei de expropiación forzosa estenderase acta de ocupación da cousa ou dereito expropiados a continuación do pagamento ou consignación. Para proceder ó levantamento das actas de ocupación, deberán asisti-los titulares persoalmente, ou ben representados por persoa debidamente autorizada para actuaren no seu nome con poder suficiente, do que achegarán copia, xuntando os documentos acreditativos da súa titularidade, documento nacional de identidade, ou o último recibo do imposto sobre bens inmobles; poderá asistir acompañado pola súa conta, se o coida oportuno, dos seus peritos ou un notario.

5. En consecuencia, convócanse e cítanse os titulares de bens e dereitos afectados polo presente expediente para proceder ó levantamento das actas de pagamento e ocupación que terán lugar no Concello de Vigo.

Pagamento: o pagamento terá lugar os días e horas que se sinalan no cadro que se xunta.

Ocupación: as actas de ocupación levantaranse na mesma data e a continuación das correspondentes actas de pagamento.

6. Notifíqueselle-la resolución a tódolos titulares dos bens e dereitos que figuran no expediente, e publíquese este acordo no DOG, no BOP e no taboleiro de edictos do concello. A publicación desta resolución serviralles de notificación ós propietarios descoñecidos, dos que se ignore o lugar de notificación, ou ben tentada a notificación, non se puidera realizar. Todo isto de acordo co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999.

Santiago de Compostela, 19 de xuño de 2000.

Director xeral do Instituto Galego da Vivenda e Solo

Calendario de convocatoria

Expropiación 1ª e 2ª etapa do Plan parcial de San Paio de Navia (Vigo)