Obxecto do contrato: é obxecto deste contrato a concesión de licencia exclusiva das marcas representativas de Santiago de Compostela, Cidade Europea da Cultura do ano 2000 para a fabricación e distribución de productos conmemorativos incluidos nas clases referidas no anexo II.
Tipo de licitación: 25.000.000 de pesetas (150.253,026 euros) IVE incluído. As ofertas realizaranse á alza.
Prazo de execución: a licencia extinguirase o 31 de decembro de 2001, podéndose prorrogar anualmente, por acordo entre as partes, ata un máximo de 2 anos.
Forma de adxudicación: concurso por procedemento aberto.
Proposicións: os licitadores poderán presentar proposicións no rexistro xeral do Concello de Santiago de Compostela en horas de 9 a 14, dentro do prazo de quince días naturais contados desde o día seguinte á data da derradeira das publicacións que corresponden facer no Diario Oficial de Galicia e no BOP da Coruña.
Documentación: información e documentación: Concello de Santiago de Compostela (departamento de Contratación-Servicios). Teléfono: 981 54 23 24. Fax: 981 57 76 27.
Criterios de adxudicación: son os sinalados no punto criterios de adxudicación do prego de condicións.
Garantías: provisional: non se esixe. Definitiva: 4% do importe de adxudicación.
Apertura de plicas: terá lugar en acto público na casa do concello (secretaría) ás 12 horas o día hábil seguinte á finalización do prazo de presentación de proposicións.
Modelo de proposicións:
Don/Dona..... con domicilio en..... rúa..... nº..... teléfono..... con DNI (ou pasaporte ou documento que os substitúa) nº..... actuando en nome propio (ou en representación de....., con DNI ou CIF nº..... e domicilio en..... nº..... teléfono..... toma parte no concurso por procedemento aberto..... e para os efectos fai constar:
1) Que ofrece a seguinte oferta económica de prezos do servicio e participación do concello nos ingresos conforme o establecido na cláusula proposicións no prego de condicións.
2) Que xunta a documentación esixida no prego de condicións.
3) Que coñece e acepta cantas obrigas deriven dos pregos de condicións do presente contrato.
En..... o ..... de..... de 2000.
O licitador (asinado e rubricado)
Modelo do sobre.
Proposición para tomar parte na contratación do concurso..... presentada por.....
Reclamacións: simultaneamente ó de licitación exponse ó público o prego de condicións, contra o que se poderán presentar reclamacións no rexistro xeral do Concello de Santiago de Compostela, durante o prazo de oito días hábiles, contados a partir da publicación deste anuncio no BOP.
Santiago de Compostela, 15 de xuño de 2000.
Luis Tojo Ramallo
Teniente alcalde