De conformidade co disposto no título IX da Lei 54/1997, do 27 de novembro, do sector eléctrico e os decretos 2617/1966 e 2619/1966, do 20 de outubro, sobre instalacións eléctricas, incóase o expediente e sométese a información pública a solicitude do Parque Eólico de Bustelo, S.A., con enderezo na Rúa do Castiñeiriño, nº 12-3º, 15702-Santiago de Compostela (A Coruña), como entidade beneficiaria, para a autorización administrativa, aprobación do proxecto de execución e declaración de utilidade pública, que levará implícita a urxente ocupación, para os efectos de expropiación forzosa e imposición de servidumes de paso sobre os bens e dereitos afectados, das instalacións de:

A liña eléctrica aérea dobre circuíto a 30 kV, sobre apoios realizados en torres metálicas de celosía, de 5.698 metros de lonxitude atravesando os concellos das Pontes de García Rodríguez, Mañón e Ortigueira, con conductor LA-380, con orixe na futura subestación de Pena da Loba (As Pontes de García Rodríguez) e remate no futuro Parque Eólico de Faladoira.

O que se fai público para coñecemento xeral, en particular dos propietarios e demais titulares afectados, dos que se insire relacións no anexo desta resolución, así como as persoas que sendo titulares dos dereitos reais ou intereses económicos sobre os bens afectados que fosen omitidos, para que poidan examina-lo expediente no que constan as características e afeccións derivadas do proxecto nesta delegación provincial, situada no edificio administrativo de Monelos, s/n, 15071 A Coruña, e presenta-las alegacións que se estimen oportunas no prazo de 30 días, contados desde o seguinte á derradeira publicación desta resolución.

Esta publicación realízase igualmente para os efectos do artigo 59.4º da Lei 4/1992, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, de resulta-los titulares dos predios propostos como descoñecidos ou cando se ignore o lugar de notificación, e así dirixirlle ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, de 16 de novembro de 1954.

A Coruña, 26 de xuño de 2000.

Jesús Espada Martínez

Delegado provincial da Coruña

ANEXO

Relación de propietarios

Liña a 30 kV subestación Pena da Loba-parque eólico Faladoira

Concello: As Pontes de García Rodríguez

Concello: Mañón

Concello: Ortigueira