Dentro do plan de actividades da Escola Galega de Administración Pública para o 2000 e de acordo coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse unhas xornadas sobre dereito de augas, convocatoria que se desenvolverá conforme as seguintes bases:

1. Obxectivos.

Nun momento de reforma parcial do dereito de augas e de posible aprobación do Plan Hidrolóxico Nacional, resulta de sumo interese debater acerca das perspectivas que o uso e a administración da auga teñen en España, sobre todo se, como é o caso, se abren posibilidades para a liberalización do mercado da auga, inéditas ata a data. Pode dicirse que tódolos grandes temas do dereito público do sécu

lo XXI se dan cita neste sector tan especial do dereito administrativo. De aí a súa actualidade e o apaixonante debate que suscita.

2. Contido.

Trataranse estes temas:

-Valor dos títulos históricos no dereito de augas español.

-As obras hidráulicas.

-Planificación hidrolóxica e o Plan Hidrolóxico Nacional.

-Abastecemento de auga ás poboacións.

-Xestión da auga e política agraria.

-Prezos da auga e política ambiental.

-Augas subterráneas.

-Perspectivas do dereito de augas.

3. Destinatarios.

Persoal ó servicio da Xunta de Galicia e da Administración local galega e interesados en xeral.

4. Desenvolvemento.

Horario: mañá e tarde.

Lugar e datas: as xornadas convocadas terán lugar no Paraninfo da Universidade da Coruña (sito na rúa Mestranza, s/n, da citada cidade), os días 23 e 24 de outubro de 2000.

5. Inscrición.

Prazo: remata o xoves, día 19 de outubro de 2000.

Tramitación de solicitudes: as solicitudes irán dirixidas ó director da Escola Galega de Administración Pública, polígono das Fontiñas, rúa de Madrid, 2-4, 15707 Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 30.

Número de prazas: limitado á capacidade do local.

Inscricións fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.

Os peticionarios poderán obte-la confirmación da súa posible admisión chamando, o día 20 de outubro, por teléfono, das 10 ás 14.45 horas, ós seguintes números: 981 54 62 39/44 ou 981 54 60 40.

6. Modificacións.

A EGAP reserva para si a facultade de interpretar e de resolve-las incidencias que puidesen xurdir no desenvolvemento das xornadas, así como a de cancelalas, se o escaso número de solicitudes non xustificase a súa realización.

7. Certificación de asistencia.

Entregaráselles, ó remate destas xornadas, a aquelas persoas inscritas que concorresen asiduamente a elas, cando a súa asistencia sexa igual ou superior ó 85% das horas lectivas programadas, e expresarase, neste documento, a natureza da actividade e as datas da súa realización.

Santiago de Compostela, 22 de setembro de 2000.

Domingo Bello Janeiro

Director da Escola Galega de Administración

Pública