Por Resolución do 14 de xullo de 2000, publicada no Diario Oficial de Galicia nº 142, do 21 de xullo de 2000, convocouse concurso aberto para a selección dunha oferta para a tramitación dunha concesión de ocupación de dominio público portuario no porto de Ribeira con destino á construcción dunha nave para actividades portuarias.
Vista a proposta realizada pola mesa de contratación solicitando que se declare deserto o concurso con base en que as ofertas presentadas incumpren distintos puntos do epígrafe 8.6) Contido das proposicións. Sobre B: referencias técnicas do prego de bases do concurso.
Esta presidencia resolve: declarar deserto o citado concurso.
Contra esta resolución, que pon fin á vía administrativa, poderase interpor recurso contencioso-ad
ministrativo ante, a elección do interesado, o Xulgado do Contencioso-Administrativo da Coruña ou ante o xulgado do contencioso-administrativo competente na circunscrición onde teña aquel o seu domicilio, no prazo de dous (2) meses contados dende o día seguinte ó da notificación desta resolución.
Non obstante, o interesado poderá optar por interpor contra esta resolución recurso de reposición, no prazo dun (1) mes contado a partir do día seguinte ó da súa notificación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 19 de outubro de 2000.
Agustín Hernández Fdez. de Rojas
Presidente do ente público Portos de Galicia