A delegación provincial da Consellería do Medio Ambiente, resolve convoca-la poxa de madeira 3/2000, de acordo coas seguintes características:

1. Obxecto: o alleamento dos lotes de madeira que figuran na relación anexa.

2. Fianza provisional: a que figura na citada relación para cada un dos lotes.

3. Exposición de pregos: estarán de manifesto no Servicio de Montes e Industrias Forestais desta delegación (Edificio Administrativo de Monelos, Praza Luis Seoane, s/n, 5º andar. A Coruña), de 9 a 14 horas, durante o prazo de presentación de proposicións.

4. Prazo de presentación das proposicións: vinteseis (26) días naturais, contados desde o día seguinte ó da publicación deste anuncio. Se o día de remate cadra en sábado, o prazo rematará o luns seguinte.

5. Lugar de presentación das proposicións: no rexistro da delegación provincial (Edificio Administrativo Monelos 5º andar), na forma legalmente establecida (art. 100 RXC).

6. Documentación que presentarán los licitadores: a que se sinala no prego de cláusulas administrativas particulares.

7. Apertura de proposicións: ás 10 horas do décimo día hábil seguinte ó remate do prazo de presentación das proposicións, que non cadre en sábado. O lugar publicarase no taboleiro de edictos do Servicio de Montes e Industrias Forestais, e no rexistro da delegación, ó día seguinte da publicación deste anuncio.

8. Gastos de publicación: por conta dos adxudicatarios.

9. Información sobre esta poxa: tfno.: 18 46 63.

O adxudicatario, dentro dos vinte (20) días seguintes ó da data da notificación da adxudicación, deberá presenta-los documentos acreditativos e ter depositado:

a) Importe de adxudicación, prezo total do remate.

b) Importe das taxas.

c) Importe dos gastos deste anuncio.

d) Fianza definitiva, 4% sobre o importe da adxudicación, máis unha fianza complementaria do 6% do prezo de adxudicación (artigo 4.2º do Decreto 244/1998 , do 24 de xullo)

e) IVA, 5% sobre o importe da adxudicación se está acollido ó réxime especial agrario ou a porcentaxe que corresponda se está acollido ó réxime xeral que se aplique á propiedade do monte.

f) Os demais que se establezan no prego de cláusulas administrativas particulares do aproveitamento.

A Coruña, 2 outubro de 2000.

P.A.

Ofelia Rivas Vazquez

Delegada provincial da Coruña

Relación de aproveitamentos forestais