De acordo co disposto no artigo 4 da Lei 7/1988, do 12 de xullo (DOG do 26 de xullo), de creación do Consello Galego de Relacións Laborais, as organizacións sindicais e empresariais designarán os

seus membros representativos, que serán nomeados polo conselleiro de Traballo e Benestar Social.

Facendo uso da posibilidade de substitución, que recolle o artigo 5 da dita lei, a Confederación de Empresarios de Galicia acordou a substitución dun dos seus membros suplentes, da súa representación no consello.

A disposición adicional primeira do Decreto 161/2000, do 29 de xuño (DOG do 3 de xullo), polo que se establece a estructura orgánica da Consellería de Xustiza, Interior e Relacións Laborais sinala que a Consellería de Xustiza, Interior e Relacións Laborais exercerá as funcións asignadas á extinta Consellería de Traballo e Benestar Social pola Lei 7/1988, do 12 de xullo, de creación do Consello Galego de Relacións Laborais.

Por todo o exposto, ó abeiro do artigo 4 da referida Lei 7/1988, e en uso das atribucións que teño conferidas,

DISPOÑO:

Artigo único.-Nomear membro suplente do Pleno do Consello Galego de Relacións Laborais, en representación da Confederación de Empresarios de Galicia, a Marina Graña Bermúdez, en substitución de Irene Bonet González.

Santiago de Compostela, 30 de outubro de 2000.

Antonio Pillado Montero

Conselleiro de Xustiza, Interior e Relacións

Laborais