Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: avda. de García Barbón, 38, 36201 Vigo.

Denominación: L.M.T., C.T. e R.B.T. Rosalía de Castro.

Situación: Gondomar.

Descricións técnicas: L.M.T., subterránea, a 20 kV, de 265 m de lonxitude, con conductor tipo R.H.V., desde a liña GON 8.07, á altura do cruzamento das rúas Rosalía de Castro e avda. Elduayen, alimentando en bucle ó C.T. que se proxecta na rúa Rosalía de Castro, no concello de Gondomar, rematando no punto de inicio da liña. C.T. de 250 kVA, relación de transformación 20 kV-380/220 V. R.B.T., subterránea, de 110 m de lonxitude, con conductor tipo R.V.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén pode interpor calquera outro recurso que considere pertinente ó seu dereito.

Pontevedra, 25 de setembro de 2000.

Carmen Bianchi Valcarce

Delegada provincial de Pontevedra