En virtude das facultades conferidas na vixente normativa de contratación, anúnciase a licitación dun contrato de consultoría e asistencia suxeito ás seguintes bases:
1. Entidade adxudicadora:
Organismo: Instituto Galego de Estatística.
Dependencia que tramita o expediente: Servicio Técnico Xurídico e de Contratación.
Nº de expediente: 640.1/30/04.
2. Obxecto do contrato:
Descrición do obxecto: traballo de campo e gravación da información necesaria para a medición mensual da ocupación nos establecementos hoteleiros galegos e nos de turismo rural de Galicia, así como para a medición trimestral das expectativas nos establecementos hoteleiros galegos para a elaboración da enquisa continua de ocupación hoteleira, a estatística de ocupación no turismo rural e a de expectativas hoteleiras.
3. Prazo de execución: 12 meses.
4. Tramitación, procedemento e forma de adxudicación:
Tramitación: ordinaria.
Procedemento: aberto.
Forma: concurso público.
5. Orzamento base de licitación:
Importe total: 7.900.000 pesetas (47.479,96 euros).
6. Garantía provisional: 158.000 pesetas (949,60 euros).
7. Admisión de variantes: non se admiten.
8. Obtención da documentación e información: poderán retirala no Negociado do rexistro do IGE, complexo administrativo San Lázaro, San Lázaro s/n, Santiago de Compostela, CP 15703. Teléfono: 981 54 13 21 e fax: 981 54 13 23.
9. Requisitos específicos do contratista:
Clasificación: non se esixe.
Outros requisitos: os especificados no prego de cláusulas administrativas particulares.
10. Presentación de ofertas: presentaranse, de conformidade co previsto no prego de cláusulas administrativas particulares, no prazo de 15 días naturais contados a partir do seguinte ó da publicación deste anuncio no Diario Oficial de Galicia, no rexistro do IGE, das 9 ás 14 horas ou en calquera dos lugares establecidos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
No caso de que as proposicións se envíen por correo, haberá que aterse ó disposto no artigo 100 do Regulamento xeral de contratación do Estado.
11. Apertura de ofertas económicas: o undécimo día seguinte ó de remate de presentación das proposicións, ás 12 horas nas dependencias do IGE; en caso de cadrar en sábado, a apertura terá lugar o día hábil seguinte.
O importe deste anuncio será por conta da empresa adxudicataria.
Santiago de Compostela, 3 de novembro de 2000.
José Antonio Campo Andión
Director do Instituto Galego de Estatística
