Aprobada inicialmente polo Pleno Municipal, en sesión do 28 de setembro de 2000, a modificación puntual das normas subsidiarias do planeamento municipal, sométese a información pública polo prazo dun mes, contado a partir da inserción deste anuncio; durante tal prazo calquera persoa física ou xurídica poderá examina-lo expediente nos servicios técnicos municipais, en horario de oficina, para formula-las alegacións ou observacións que coiden oportunas.
Na área que a seguir se indica, á que se contrae a modificación, queda suspendido o outorgamento de licencias -por prazo dun ano-, dado que as novas determinacións do planeamento supoñen modificación do réxime urbanístico vixente.
Parcela con destino provisional a residencia colectiva en época estival e patio de colexio Luis Vives, sita en avda. de Ricardo Sánchez e rúa Cabanas desta vila.
Pontedeume, 20 de outubro de 2000.
Belarmino Freire Bujía
Alcalde