Producido o cesamento do titular da Dirección Xeral de Producción Agropecuaria, cómpre adopta-las medidas inmediatas para que, sen prexuízo do posterior nomeamento do novo titular do centro directivo, se asegure o correcto funcionamento do servicio e a resolución, se é o caso, dos asuntos encomendados á devandita dirección xeral.
Por todo iso, en virtude das atribucións que me confire a Lei 1/1983, do 22 de febreiro, modificada pola Lei 11/1988, do 20 de outubro,
DISPOÑO:
Artigo único.-O desenvolvemento das accións e o exercicio das competencias propias da Dirección Xeral de Producción Agropecuaria, que figuran no Decreto 25/1998, do 22 de xaneiro, e outras que lle fosen expresamente delegadas, quédanlle encomendadas temporalmente, e ata que se produza o nomeamento do seu titular, ó secretario xeral da Consellería de Agricultura, Gandería e Política Agroalimentaria.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 12 de xaneiro de 2001.
Juan Miguel Diz Guedes
Conselleiro de Agricultura, Gandería e Política
Agroalimentaria