En data do 22 de maio de 2000, o alcalde-presidente da Xerencia Municipal de Urbanismo resolveu aprobar definitivamente a rectificación do proxecto de reparcelación da U.E. I-07 Rosalía Castro 3, solicitada por Manuel Castillo Sarmiento, en representación de Promociones Inmobiliarias 2002, S.L. e Manuel Lorenzo Muradás nos seguintes termos:

Onde di:

«Técnica: resto de 44 m procedente da agrupación dos predios descritos (que tiñan unha superficie total de 280 m segundo expediente de expropiación da rúa Rosalía Castro do ano 1960), para a apertura daquela foron ocupados polo Concello de Vigo, 236 m, restando no interior da unidade de execución, os 44 m que se citan.

Lindeiros: norte Livors, S.L. (predio nº 4 das descritas neste expediente); sur, leste e oeste, terreos cedidos ó Concello de Vigo para vías».

Debe dicir:

«Técnica: resto de 44 m procedente do predio nº 2.856 descrito como nº 2 do devandito predio nº 3 dos achegados, cos datos de identificación e

lindes antes expresados (os dous predios descritos co nº 1 e 2 do denominado predio nº 3 dos achegados tiñan unha superficie total de 280 m, segundo expediente de expropación da rúa Rosalía Castro do ano 1960. Para a apertura daquela foron ocupados polo Concello de Vigo, 236 m, restando no interior da unidade de execución, os 44 m que se citan e que formaban parte do nº 2)».

Contra o devandito acordo, que pon fin á vía administrativa, poderanse interpoñe-los seguintes recursos:

a) Potestativo de reposición ante o alcalde-presidente da Xerencia de Urbanismo no prazo dun mes a partir do día seguinte da publicación do presente anuncio.

b) Contencioso-administrativo no prazo de dous meses contados desde o día seguinte ó da publicación do presente anuncio ante o Tribunal Superior de Xustiza de Galicia.

c) Calquera outro recurso que se estime oportuno e sexa procedente interpoñer.

Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, se ignore o lugar de notificación ou, intentada esta, non se puidese practicar.

Vigo, 25 de maio de 2000.

Lois Pérez Castrillo

Alcalde-presidente da Xerencia Municipal

de Urbanismo