De conformidade co previsto no artigo 48.2º da Lei 1/1997, do 2 de marzo, do solo de Galicia e artigo 134 do Real decreto 2159/1978 polo que se aproba o Regulamento de planeamento, infórmase que o Concello de Cangas, en sesión plenaria do día 25 de maio adoptou entre outros acordo o seguinte:

Dictame da comisión informativa de urbanismo relativo á aprobación definitiva da modificación puntual das NN.SS.MM. no ámbito do Alto da Portela para a situación do complexo ambiental de RR.SS.UU. do Morrazo.

Co quorum legalmente establecido, maioría absoluta do número legal de membros da corporación e de conformidade co dictame emitido, o Concello Pleno acordou:

Primeiro.-Aprobar definitivamente o expediente de modificación puntual das NN.SS.MM. no Alto da Portela polo que se varía a modificación urbanística de tres parcelas identificadas nos planos da documentación gráfica como SI 1; SI 2 e SI 3, solos non urbanizables de protección forestal, propoñendo para elas a cualificación de Sistema Xeral de Servicios Urbanos e Infraestructuras co obxecto de situar nelas o complexo ambiental de residuos sólidos urbanos do Morrazo.

Segundo.-Remitirlle á COTOPV da Xunta de Galicia unha copia autenticada do expediente completo e dous exemplares do instrumento aprobado nos que constará dilixencia do secretario do concello facendo consta-la aprobación acadada.

Terceiro.-Publicar no BOP a normativa e as ordenanzas do ámbito modificado, sen prexuízo daqueles recursos que os interesados consideren pertinentes.

Cuarto.-Publica-lo texto íntegro deste acordo no DOG e BOP facendo consta-los recursos procedentes.

Recursos.-Contra este acordo -disposición de carácter xeral- poderase interpoñer recurso contencioso-administrativo no prazo de dous meses contados desde o día seguinte ó da publicación da disposición (normativa e ordenanzas) no BOP. O recurso interporase ante o Tribunal Superior de Xustiza de Galicia, Sala do Contencioso-Administrativo.

Cangas, 28 de maio de 2001.

José Enrique Sotelo Villar

Alcalde-presidente