A Alcaldía, con data do 22 de xaneiro de 2001, dictou a seguinte resolución:
«1. Iniciar procedemento de substitución do sistema de compensación, previsto no PXOM para a execución do polígono E5.01 por ter transcorrido o prazo de tres meses desde a aprobación definitiva
do plan xeral sen que fose presentado o proxecto de estatutos e bases de actuación, o que se xestionará por cooperación.
2. Requiri-los propietarios afectados para que nun prazo de tres meses, presenten os propietarios que representen máis do 50% da superficie do polígono, o proxecto de estatutos e as bases de actuación, advertindo que transcorrido o dito prazo se procederá a continua-lo procedemento de substitución do sistema de compensación do citado polígono polo de cooperación.
3. Someter a información pública o expediente de cambio de sistema en previsión de que a propiedade non dea cumprimento ó exposto no punto anterior, con citación persoal ós interesados».
O que se fai público para xeral coñecemento indicando que o expediente de referencia permanecerá a exposición pública polo prazo de vinte días, contados a partir da publicación da presente resolución, durante o que se poderá consultar na oficina de Xestión do Servicio de Urbanismo, sito na avda. da Mariña, 18, de luns a venres e de 12 a 14 horas, e presentar cantas alegacións se estimen oportunas.
A Coruña, 22 de xaneiro de 2001.
P.D.
Salvador Fernández Moreda
Concelleiro delegado de Urbanismo