De conformidade con canto se establece no artigo 70.2º da Lei 7/1985, do 2 de abril, reguladora das bases de réxime local, eno artigo 48.2º da Lei 1/1997, do 24 de marzo, do solo de Galicia, por medio deste anuncio faise público que o Pleno do Concello, na súa sesión do 30 de maio de 2001, aprobou definitivamente a modificación puntual das normas subsidiarias do planeamento municipal, acordo que na súa parte dispositiva resulta do teor literal seguinte:

Non suscitándose o debate, o Pleno, por unanimidade dos membros presentes e en votación ordinaria, acorda:

Primeiro.

Aprobar definitivamente a modificación puntual das normas subsidiarias do planeamento municipal co seguinte contido:

Modificación número 1.-Recualificación como zona verde de 20 m de solo urbano, actualmente afectados pola ordenanza de edificación cerrada intensiva.

Modificación número 5.-Varía a localización do solo non urbanizable de protección de patrimonio vinculado ó xacigo arqueolóxico das covas de Furco, co obxecto de garanti-la súa adecuada protección.

Modificación número 6.-Pretende vara-la localización do vertedoiro de lixo do concello.

Modificación número 9.-Modificación de varios artigos da normativa relativos á normativa xeral de usos e á regulación de usos, contida nalgunhas ordenanzas de solo urbano e solo de núcleo rural, agás no que respecta á nova regulación proposta no artigo 167 da normativa.

Segundo.

Que este acordo, na súa parte dispositiva, xunto co articulado das normas, se publique no BOP e en cumprimento de canto se establece no artigo 70.2º da Lei 7/1985, do 2 de abril, reguladora das bases de réxime local, publicada, así mesmo, aquel no DOG de conformidade con canto restablece o artigo 48.1º da Lei 1/1997, do 24 de marzo, do solo de Galicia.

Terceiro.

Enviar á Consellería de Política Territorial, Obras Públicas e Vivenda a documentación a que fai referencia o artigo 48.2º da Lei do solo de Galicia.

Entrada en vigor: a modificación aprobada entrará en vigor unha vez publicada no BOP de Lugo e de que transcorra o prazo a que se refire o artigo 48.3º da Lei do solo de Galicia.

Recursos: contra o acordo de aprobación definitiva poderase interpoñer directamente recurso contencioso-administrativo, perante a sala correspondente do Tribunal Superior de Xustiza de Galicia, no prazo de dous meses, contados a partir do día seguinte ó da súa publicación.

Becerreá, 15 de xuño de 2001.

Antonio Fernández Pombo

Alcalde