Outorgada a declaración de utilidade pública que leva implícita a urxente ocupación dos bens e dereitos afectados polas instalacións da liña eléctrica aérea a 20 kV, centro de transformación e rede de baixa tensión no lugar de San Xiá de Arca, no termo municipal de Monfero (expediente 262/2000), por resolución desta delegación provincial con data do 28 de febreiro de 2001, a favor da entidade beneficiaria Hidroeléctrica del Zarzo, S.A. con domicilio na rúa Mancebo, 6, 15403 de Pontedeume.

Esta delegación acorda sinala-lo día 18 de xullo de 2001 para o levantamento das actas previas á ocupación, de conformidade cos artigos 52 da Lei de expropiación forzosa do 16 de decembro de 1954, e 56 do seu regulamento do 26 de abril de 1957, nas que se describirán os bens ou dereitos expropiables e de imposición de servidume de paso de enerxía eléctrica, contidos na relación de predios que se expón xunto con esta resolución no taboleiro de edictos do Concello de Monfero, deducida da que se someteu a información pública no DOG, BOP e no xornal La Voz de Galicia con datas do 27-12-2000, 21-12-2000 e 1-12-2000, respectivamente, acto ó que deberán concorre-los propietarios propostos dos predios afectados, ós que se lles practicará notificación individual sinalándoselle-los

horarios de toma de datos sobre o terreo e do levantamento efectivo das actas nas oficinas da referida casa do concello.

Esta publicación realizarse igualmente para os efectos do artigo 59.4º da Lei 30/1992 do 26 de novembro, de réxime xurídico das administracións públicas e do procedemento administrativo común, cando dos titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 30 de maio de 2001.

Manuel Estévez Mengotti

Delegado provincial en funcións