A Comisión de Goberno, en sesión que tivo lugar o 11 de xullo de 2001, e en exercicio das atribucións que lle foron delegadas por esta alcaldía, aprobou definitivamente o proxecto básico e de execución de urbanización da rúa Ourense no núcleo urbano de Melide, redactado polo arquitecto José C. Arrojo Lois, sendo promotora a mercantil Construcciones Martínez Cordido, S.L., tralo correspondente trámite de información pública sen que se presentasen alegacións.

Contra o acto de aprobación definitiva, que esgota a vía administrativa, poderase interpor potestativamente recurso de reposición perante a Comisión de Goberno do Concello de Melide no prazo dun mes, contado desde o día seguinte ó da súa publicación no Diario Oficial de Galicia. Alternativamente, o acto de aprobación definitiva poderá impugnarse directamente en vía xudicial mediante a interposición de recurso contencioso-administrativo perante a sala correspondente do Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

No suposto en que se interpoña recurso administrativo de reposición, non poderá interpoñerse recurso contencioso-administrativo mentres non se resolva expresa ou presuntamente o dito recurso. En tal caso, o prazo para interpoñe-lo recurso contencioso-administrativo contarase desde o día seguinte a aquel en que se notifique a resolución expresa do recurso potestativo de reposición ou no que este deba entenderse presuntamente rexeitado. No suposto de rexeitamento presunto do recurso de reposición, o prazo para interpoñe-lo recurso contencioso-administrativo é de seis meses.

Non obstante, poderase interpor calquera outro recurso que se considere pertinente.

Melide, 19 de xullo de 2001.

Miguel R. Pampín Rúa

Alcalde