Eu, Juan Rey Pita, secretario do Xulgado do Social número tres en funcións do Xulgado do Social número catro da Coruña, dou fe e certifico:

Que neste xulgado se seguen autos número 248/2001, por instancia de Irene Rohde Iglesias, contra a empresa Agencia de Publicidad General, S.L. sobre despedimento, nos que recaeu sentencia en data que copiada nos particulares necesarios di así:

«Decido que, estimando a demanda promovida por Irene Rohde Iglesias contra Agencia de Publicidad General, S.L., debo declarar e declaro improcedente o despedimento efectuado á demandante e, así mesmo, extinguida a relación laboral o día de hoxe, condenando a demandada a que no prazo de cinco días contados desde a notificación desta resolución lle aboe a cantidade de 470.047 pesetas en concepto de indemnización, e ó aboamento dos salarios deixados de percibir desde a data do despedimento e ata a notificación desta resolución, a razón de 5.839 pesetas/día.

Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados a partir do seguinte á súa notificación, anunciando o propósito de interpoñelo mediante comparecencia ou por escrito, sendo indispensable que, ó tempo de anuncialo, o recorrente, se é empresario, exhiba perante este Xulgado do Social o resgardo acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado, número identificador 5.605, clave 60, a cantidade obxecto da condena, poidendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, sen o cal requisito non poderá terse por anunciado o recurso e quedará firme a sentencia, debendo consignar ademais a cantidade de 25.000 pesetas na mesma conta coa clave 65, entregándose o resgardo na secretaría ó

tempo de interpoñe-lo recurso, declarándose este desistido de non constituírse tal depósito na forma indicada, definitivamente xulgando en primeira instancia, pronúncioo, mándoo e asínoo».

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.

E para que conste, para efectos da súa publicación no Diario Oficial de Galicia co fin de que sirva de notificación en forma á empresa Agencia de Publicidad General, S.L. expido e asino esta cédula na Coruña, 2 de xullo de 2001.

O secretario xudicial

Rubricado