Segundo o disposto no artigo 31 do Estatuto de autonomía de Galicia, é competencia da Comunidade Autónoma galega a regulamentación e administración do ensino en toda a súa extensión, niveis e graos, modalidades e especialidades, e de acordo co artigo 1 do Decreto 213/1998, do 10 de xullo (Diario Oficial de Galicia do 23 de xullo), a Consellería de Educación e Ordenación Universitaria é o órgano da Administración da Comunidade Autónoma de Galicia ó que lle corresponden estas competencias.
Os conservatorios de música de titularidade municipal levan a cabo un importante labor no fomento, difusión e extensión das ensinanzas de música por todo o territorio da Comunidade Autónoma de Galicia, e teñen unha grande importancia para o desenvolvemento integral dos nenos e mozos, contribuíndo así ó enriquecemento da vida cultural dos concellos.
A implantación do novo sistema educativo, establecido pola Lei orgánica 1/1990, do 3 de outubro, esíxelles ós concellos titulares destes conservatorios de música importantes adaptacións estructurais e os orzamentos necesarios para levalas a cabo, para así cumpri-los requisitos mínimos de instalacións destes centros.
Por outro lado, hai que ter en conta o compromiso escrito adquirido polos concellos afectados de levar a cabo as actuacións necesarias nos conservatorios de música dos que son titulares, para dar cumprimento efectivo ós requisitos mínimos de instalacións e ó currículo, coa finalidade de que se lle poida concede-la autorización definitiva antes do 1 de xuño de 2003.
Tendo en conta o anteriormente exposto e por proposta da Dirección Xeral de Centros e Inspección Educativa, esta consellería
DISPÓN:
Primeiro.-Autoriza-los conservatorios de música de titularidade municipal, que figuran no anexo a esta orde, para impartir, con carácter provisional ata o 1 de xuño de 2003, os graos elemental e/ou medio das ensinanzas de música establecidas pola Lei orgánica 1/1990, do 3 de outubro, de ordenación xeral do sistema educativo.
Segundo.-Os concellos titulares destes conservatorios teñen a obriga de cumpri-lo compromiso adquirido de levar a cabo as actuacións necesarias nestes centros educativos para adaptalos ós requisitos mínimos que fixa o Real decreto 389/1992, do 15 de abril (Boletín Oficial del Estado do 28 de abril), e ó currículo que establece o Decreto 253/1993, do 29 de xullo (Diario Oficial de Galicia do 25 de outubro), para ter concedida autorización definitiva, de acordo co procedemento establecido para o efecto, antes do 1 de xuño de 2003.
Disposición derradeira
Única.-Facúltase a Dirección Xeral de Centros e Inspección Educativa para dicta-las normas necesarias para o desenvolvemento da presente orde.
Santiago de Compostela, 2 de xullo de 2001.
Celso Currás Fernández
Conselleiro de Educación e Ordenación Universitaria
ANEXO
PROVINCIA: CORUÑA, A
Localidade: Carballo.
Titular: Concello de Carballo.
Centro: conservatorio profesional de música de Carballo.
Código do centro: 15026662.
Autorización provisional: grao medio.
Localidade: Culleredo.
Titular: Concello de Culleredo.
Centro: conservatorio profesional de música de Culleredo.
Código do centro: 15026728.
Autorización provisional: grao medio.
Localidade: Melide.
Titular: Concello de Melide.
Centro: conservatorio profesional de música de Melide.
Código do centro: 15027162.
Autorización provisional: grao medio.
Localidade: Pontes de García Rodríguez, As.
Titular: Concello das Pontes de García Rodríguez.
Centro: conservatorio profesional de música das Pontes de García Rodríguez.
Código do centro: 15026741.
Autorización provisional: grao medio.
Localidade: Ribeira.
Titular: Concello de Ribeira.
Centro: conservatorio profesional de música de Ribeira.
Código do centro: 15032200.
Autorización provisional: graos elemental e medio.
PROVINCIA: OURENSE
Localidade: Barco de Valdeorras, O.
Titular: Concello do Barco de Valdeorras.
Centro: conservatorio profesional de música do Barco de Valdeorras.
Código do centro: 32016510.
Autorización provisional: grao medio.
Localidade: Carballiño, O.
Titular: Concello do Carballiño.
Centro: conservatorio profesional de música do Carballiño.
Código do centro: 32016522.
Autorización provisional: grao medio.
Localidade: Ribadavia.
Titular: Concello de Ribadavia.
Centro: conservatorio profesional de música de Ribadavia.
Código do centro: 32016546.
Autorización provisional: grao medio.
Localidade: Xinzo de Limia.
Titular: Concello de Xinzo de Limia.
Centro: conservatorio profesional de música de Xinzo de Limia.
Código do centro: 32016534.
Autorización provisional: grao medio.
PROVINCIA: PONTEVEDRA
Localidade: Cangas.
Titular: Concello de Cangas.
Centro: conservatorio profesional de música de Cangas.
Código do centro: 36024276.
Autorización provisional: graos elemental e medio.
Localidade: Guarda, A.
Titular: Concello da Guarda.
Centro: conservatorio elemental de música da Guarda.
Código do centro: 36024288.
Autorización provisional: grao elemental.
Localidade: Ponteareas.
Titular: Concello de Ponteareas.
Centro: conservatorio profesional de música Reveriano Soutullo.
Código do centro: 36018367.
Autorización provisional: grao medio.
Localidade: Redondela.
Titular: Concello de Redondela.
Centro: conservatorio profesional de música de Redondela.
Código do centro: 36024291.
Autorización provisional: graos elemental e medio.
Localidade: Tui.
Titular: Concello de Tui.
Centro: conservatorio profesional de música de Tui.
Código do centro: 36024306.
Autorización provisional: grao medio.